ანონსები

17 დეკემბერს, 14:00 საათზე, საერთაშორისო ახალგაზრდული ორგანიზაცია „აისეკი“ ბათუმის შოთა რუსთაველის სახელმწიფო უნივერსიტეტის სტუდენტებისთვის საინფორმაციო შეხვედრას გამართავს. შეხვედრაზე განხილული იქნება აისეკის გაცვლითი პროგრამები და შესაძლებლობები, რომელსაც ახალგაზრდებს ორგანიზაცია სთავაზობს. შეხვედრა ჩატარდება ონლაინ, ზუმის პლათფორმაზე. დასწრების ბმული დარეგისტრირებულ სტუდენტებს გაეგზავნებათ ელექტრონულ ფოსტაზე. სარეგისტრაციო ბმული: https://forms.gle/n4A7JFqZUnNCLMnW8

9-10 დეკემბერს, 16:00 საათზე DAAD-ის ცენტრალური ოფისის ორგანიზებით, გაიმართება ონლაინ საინფორმაციო შეხვედრა "Study and Career". ათი უმაღლესი სასწავლებლის წარმომადგენელი გერმანიაში სწავლის გაგრძელებით დაინტერესებულ სტუდენტებს თავიანთ პროგრამებს გააცნობენ და შეკითხვებს უპასუხებენ.

5 ნოემბერს, 17:00 საათზე, ERASMUS+ პროექტის "MEDIATS: Training and Society Transformation" ფარგლებში ილიას სახელმწიფო უნივერსიტეტის სამართლის სკოლისა და ბათუმის შოთა რუსთაველის სახელმწიფო უნივერსიტეტის ორგანიზებით სტუდენტებისა და მედიაციის ინსტიტუტით დაინტერესებული ნებისმიერი პირისთვის გაიმართება საჯარო ლექცია თემაზე: „მედიაცია – დავის გადაწყვეტის ალტერნატიული მექანიზმი საქართველოში". ლექციას გაუძღვებიან საქართველოს მედიატორთა ასოციაციის თავმჯდომარე, მედიატორი ირაკლი ყანდაშვილი და Centre for Effective Dispute Resolution (CEDR)-ის მიერ საერთაშორისო აკრედიტირებული მედიატორი ლაშა კალანდაძე.

16 ნოემბერს, 12:00 საათზე, ბათუმის შოთა რუსთაველის სახელმწიფო უნივერსიტეტში ტოლერანტობის საერთაშორისო დღისადმი მიძღვნილი ფოტო-ნახატების გამოფენა „ჩემი თვალით დანახული ტოლერანტობა“ გაიმართება. ღონისძიება ევრო საბჭოს, ანტი-დისკრიმინაციული დეპარტამენტის DG-II-ის პროექტის „დისკრიმინაციის, სიძულვილით მოტივირებული დანაშაულისა და სიძულვილის ენის წინააღმდეგ ბრძოლა საქართველოში“ ხელშეწყობით, კამპანიის „მე ვირჩევ თანასწორობას“ ფარგლებში ბსუ-ს ზუსტ მეცნიერებათა და განათლების ფაკულტეტის ორგანიზებით ჩატარდება.

საქართველოს ინოვაციებისა და ტექნოლოგიების სააგენტო აცხადებს მონაწილეების მიღებას ტრენინგზე "როგორ შევქმნათ სტარტაპი". პროექტის მიზანია, ახალგაზრდების აღმოჩენა, რომელთაც აინტერესებთ სტარტაპზე მუშაობა. ტრენინგის ფარგლებში ახალგაზრდებს გააცნობენ მსოფლიოში ამ მიმართულებით არსებულ ტრენდებს და დაეხმარებიან მათ პირველი ნაბიჯების გადადგმაში საკუთარი იდეების განსახორციელებლად. კურსის ფარგლებში დაგეგმილია სხვადასხვა აქტივობა: პროექტზე გუნდურად მუშაობა, ბაზრის კვლევა, პროდუქტის ტექნიკური აღწერის მომზადება და პრეზენტაცია, სხვადასხვა ბიზნეს მოდელების განხილვა დისკუსიის რეჟიმში და ფინალური პრეზენტაციები. კურსი ძირითადად დისტანციურ რეჟიმში წარიმართება და ტრენინგებს ჩაატარებენ საქართველოს წამყვანი და გამოცდილი ტრენერები, რომელთაც სტარტაპებთან მუშაობის მრავალწლიანი გამოცდილება აქვთ. პროექტის ფარგლებში შეირჩევა 50 მონაწილე. აპლიკაციების მიღების ბოლო ვადაა 15 ნოემბერი.