ბათუმის შოთა რუსთაველის სახელმწიფო უნივერსიტეტის სამეცნიერო კვლევების სამსახური 25-31 ოქტომბერს, 11:00 საათსა და 14:00 საათზე, ნიკო ბერძენიშვილის ინსტიტუტის ბიბლიოთეკაში (III კორპუსი, მე-3 სართული), გამართავს საინფორმაციო შეხვედრებს. ბსუ-ს აკადემიური და სამეცნიერო პერსონალი შეხვედრაზე გაეცნობიან „მტაცებლურ ჟურნალებსა“ და ბაზებს.
11 ოქტომბერს 11:00 საათზე, ბათუმის შოთა რუსთაველის სახელმწიფო უნივერსიტეტში (II კორპუსი, 509-ე აუდიტორია) ლაიდენის უნივერსიტეტის პროფესორი იორიტ რიიპმა საჯარო ლექციას წაიკითხავს თემაზე: „მიგრაციისა და უსაფრთხოების თანამედროვე ტენდენციები ევროკავშირში“. ღონისძიების დასასრულს პროექტ ENIGMMA-ს ფარგლებში მიგრაციის პოლიტიკის განვითარების საერთაშორისო ცენტრისა (ICMPD) და მიგრაციის საკითხთა სამთავრობო კომისიის თანამშრომლობით გამოცემული ნაშრომის „მიგრაციის სახელმძღვანელოს“ პრეზენტაცია გაიმართება.
4 ოქტომბერს, 13:00 საათზე, ბსუ-ს 328-ე აუდიტორიაში, გაიმართება დათო ტურაშვილის ლიტერატურული შეხვედრა სტუდენტებთან.
შეხვედრა ტარდება ლიტერატურული კონკურსის „შემოდგომის ლეგენდა“ ფარგლებში, რომელიც თბილისის სახელმწიფო უნივერსიტეტისა და კომპანია „ჯეოსელის“ ერთობლივი პროექტია.
9 ოქტომბერს, 13:00 საათზე, ბათუმის შოთა რუსთაველის სახელმწიფო უნივერსიტეტში (აუდიტორია #328, საბუნებისმეტყველო მეცნიერებათა და ჯანდაცვის ფაკულტეტი) ბაკალავრიატის, მაგისტრატურის და დოქტორანტურის სტუდენტებისათვის გაიმართება საინფორმაციო შეხვედრა ERASMUS+ის გაცვლითი პროგრამის შესახებ.
9 ოქტომბერს, 13:00 საათზე, ბათუმის შოთა რუსთაველის სახელმწიფო უნივერსიტეტში ნიუ იორკის უნივერსიტეტის პროფესორი ნებაჰატ ავჯიოღლუ წაიკითხავს საჯარო ლექციას თემაზე: კულტურათა გლობალიზაცია: ხელოვნება და მობილობა მეთვრამეტე საუკუნეში. ევროპული კოლონიზაციის თანამედროვე ისტორიოგრაფია იმ ასიმეტრიული ურთიერთობებისკენ მიუთითებს, რაც დასავლურ და აღმოსავლურ სამყაროებს შორის არსებობდა. უცხო კულტურებთან კონტაქტმა ხელი შეუწყო ახალი სახელოვნებო საქმიანობების, იდეების და პოლიტიკური ამოცანების აღმოცენებას მეთვრამეტე და მეცხრამეტე საუკუნეების ევროპაში.
