9 ოქტომბერს, 13:00 საათზე, ბათუმის შოთა რუსთაველის სახელმწიფო უნივერსიტეტში (აუდიტორია #328, საბუნებისმეტყველო მეცნიერებათა და ჯანდაცვის ფაკულტეტი) ბაკალავრიატის, მაგისტრატურის და დოქტორანტურის სტუდენტებისათვის გაიმართება საინფორმაციო შეხვედრა ERASMUS+ის გაცვლითი პროგრამის შესახებ.
9 ოქტომბერს, 13:00 საათზე, ბათუმის შოთა რუსთაველის სახელმწიფო უნივერსიტეტში ნიუ იორკის უნივერსიტეტის პროფესორი ნებაჰატ ავჯიოღლუ წაიკითხავს საჯარო ლექციას თემაზე: კულტურათა გლობალიზაცია: ხელოვნება და მობილობა მეთვრამეტე საუკუნეში. ევროპული კოლონიზაციის თანამედროვე ისტორიოგრაფია იმ ასიმეტრიული ურთიერთობებისკენ მიუთითებს, რაც დასავლურ და აღმოსავლურ სამყაროებს შორის არსებობდა. უცხო კულტურებთან კონტაქტმა ხელი შეუწყო ახალი სახელოვნებო საქმიანობების, იდეების და პოლიტიკური ამოცანების აღმოცენებას მეთვრამეტე და მეცხრამეტე საუკუნეების ევროპაში.
ბათუმის შოთა რუსთაველის სახელმწიფო უნივერსიტეტი სტუდენტებს ულოცავს ახალი სასწავლო წლის დაწყებას!
უნივერსიტეტში სასწავლო პროცესი ეკონომიკისა და ბიზნესის ფაკულტეტზე, იურიდიულ და სოციალურ მეცნიერებათა ფაკულტეტზე, საბუნებისმეტყველო მეცნიერებათა და ჯანდაცვის ფაკულტეტზე, ტექნოლოგიურ ფაკულტეტზე, ტურიზმის ფაკულტეტსა და ზუსტ მეცნიერებათა და განათლების ფაკულტეტის მათემატიკის, ფიზიკისა და კომპიუტერული მეცნიერებების სპეციალობებზე განახლდება 1 ოქტომბერს. სარემონტო სამუშაოების გამო, ჰუმანიტარულ მეცნიერებათა ფაკულტეტსა და განათლების მიმართულების სპეციალობაზე სასწავლო პროცესი განახლდება 8 ოქტომბერს.
12 ოქტომბერს, 15:00 საათზე, ბათუმის შოთა რუსთველის სახელმწიფო უნივერსიტეტში (328 აუდიტორია) გაიმართება ევროკავშირის პროგრამის „პროფესიული განათლება გადამზადება და დასაქმება/შრომის ბაზარი“ წარდგენა. საქართველოს სოციალური სერვისების სააგენტოსა და ევროკავშირის პროგრამის წარმომადგენლები სტუდენტებს გააცნობენ არსებულ სახელმწიფო სერვისებსა და პროგრამებს.
