საქართველოს განათლების ხარისხის განვითარების ეროვნული ცენტრის საგანმანათლებლო პროგრამების აკრედიტაციის საბჭოს გადაწყვეტილებით, ბათუმის შოთა რუსთაველის სახელმწიფო უნივერსიტეტის „სამოქალაქო ინჟინერიის“ საბაკალავრო ინგლისურენოვან საგანმანათლებლო პროგრამას სრული აკრედიტაცია 7 წლის ვადით მიენიჭა.

პროგრამის შემდგომი განვითარების ერთ-ერთი მნიშვნელოვანი პრიორიტეტია საერთაშორისო აღიარების გაძლიერება და აშშ-ის საინჟინრო და ტექნოლოგიური საგანმანათლებლო პროგრამების აკრედიტაციის ორგანიზაციის - ABET-ის საერთაშორისო აკრედიტაციის მოპოვებისთვის მომზადება.

ვულოცავთ სტუდენტებსა და პროფესორ-მასწავლებლებს ამ მნიშვნელოვან მიღწევას და წარმატებებს ვუსურვებთ!