ტურიზმის ფაკულტეტის სტუდენტები „Erasmus+“-ის საერთაშორისო გაცვლითი პროგრამის ფარგლებში, პოლონეთში, თურქეთსა და საფრანგეთში სასწავლებლად გაემგზავრნენ. 2024-2025 სასწავლო წლის შემოდგომის სემესტრს ტურიზმის საბაკალავრო საგანმანათლებლო პროგრამის სტუდენტი ლიზი სურმანიძე პოლონეთში, ბიდგოშჩის ეკონომიკის უნივერსიტეტში გაივლის, ლიზი ნიკოდიმოვა - თურქეთში, 19 მაისის უნივერსიტეტში, ხოლო ტურიზმის მენეჯმენტის სამაგისტრო პროგრამის სტუდენტები - თამარ ხოზრევანიძე და ანა პაპუნიძე ერთი სემეტრის განმავლობაში საფრანგეთის ანჟეს უნივერსიტეტში ისწავლიან.

ტურიზმის ფაკულტეტის დეკანი, ადმინისტრაციის წარმომადგენლებთან და პროფესორ-მასწავლებლებთან ერთად, პირველკურსელებს შეხვდნენ, ახალგაზრდებს სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების საუნივერსიტეტო ცხოვრებას, ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, სტიპენდიებს, გაცვლით პროგრამებს, ელექტრონულ სერვისებსა და კულტურულ-საგანმანათლებლო პროექტებს გაეცნენ. შეხვედრა კითხვა-პასუხის რეჟიმში გაგრძელდა და სტუდენტებმა მათთვის საინტერესო კითხვებზე ამომწურავი პასუხები მიიღეს.

ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელმა, მერაბ ხალვაშმა და ტაჯიკეთის ტურიზმისა და მეწარმეობის საერთაშორისო უნივერსიტეტის რექტორმა, ასრორზოდა უბაიდულო სათორმა, თანამშრომლობის მემორანდუმს მოაწერეს ხელი. მემორანდუმი ითვალისწინებს ერთობლივი სასწავლო-სამეცნიერო პროექტების განხორციელებას, გაცვლითი და სტაჟირების პროგრამების ამოქმედებას, კონფერენციების, სემინარებისა და ტრენინგების ჩატარებას. მხარეები ასევე შეთანხმდნენ სამომავლო თანამშრომლობის გეგმებსა და მიმართულებებზე.

ბათუმის შოთა რუსთაველის სახელმწიფო უნივერსიტეტში ბსუ-ს ტურიზმის ფაკულტეტის 2024 წლის კურსდამთავრებულთა გამოშვების საზეიმო ცერემონია გაიმართა. მანტიებში გამოწყობილ კურსდამთავრებულებს უნივერსიტეტის რექტორმა მერაბ ხალვაშმა, ფაკულტეტის დეკანმა ირაკლი კორძაიამ, ადმინსტრაციის ხელმძღვანელმა მერაბ დიასამიძემ, აჭარის ა.რ. ტურიზმისა და კურორტების დეპარტამენტის ხელმძღვანელმა თინათინ ზოიძემ, საქართველოს საერთაშორისო ინვესტორთა ასოციაციის თავმჯდომარემ, ოსმან ჩალიშქან-მჟავანაძემ და ფაკულტეტის პროფესორ-მასწავლებლებმა სწავლის დასრულება მიულოცეს და სიგელები გადასცეს. ტურიზმის ფაკულტეტის საბაკალავრო და სამაგისტრო საგანმანათლებლო პროგრამები 85-მა სტუდენტმა დაამთავრა.

ბსუ-ს ტურიზმის ფაკულტეტის პროფესორმა როსტომ ბერიძემ „ტურიზმის" საბაკალავრო საგანმანათლებლო პროგრამის მე-3 კურსის სტუდენტებს მასტერკლასის ლექცია ჩაუტარა თემაზე: „სოფლად ტურიზმის განვითარების სტრატეგია და ახალი გამოწვევები". მსმენელები გაეცნენ სოფლად ტურიზმის განვითარების ოთხი სეზონის სტრატეგიის ძირითად პრინციპებს, ღვინის ტურიზმის განვითარების ინოვაციურ მიდგომებსა და სოფლად ტურისტული პროდუქტების სრულყოფის თანამედროვე ტენდენციებს. სტუდენტებს მასპინძლობდა „შატო ივერი“. „