ბათუმის შოთა რუსთაველის სახელმწიფო უნივერსიტეტში, ტურიზმის ფაკულტეტზე ფრანკოფონიის საუნივერსიტეტო სააგენტოს (AUF) ორგანიზებით, დასაქმების ფრანკოფონული ცენტრი (CEF) გაიხსნა. ცენტრი გახსნეს და მონაწილეებს მისასალმებელი სიტყვით მიმართეს ბსუ-ს რექტორმა მერაბ ხალვაშმა, AUF-ECO-ს რეგიონულმა დირექტორმა მუჰამედ კეტატამ და ფრანგული ინსტიტუტის დირექტორმა კამილ ნორამ. ბსუ მეორე უმაღლესი საგანმანათლებლო დაწესებულებაა საქართველოში, სადაც დასაქმების ფრანკოფონული ცენტრი გაიხსნა. ცენტრის მიზანია ინტერნაციონალიზაციის ხარისხის გაზრდა, უნივერსიტეტის სხვადასხვა ფაკულტეტის ფრანგულენოვანი სტუდენტებისთვის ტრენინგების ჩატარება, ახალგაზრდა კურსდამთავრებულთათვის კონფერენციების, სემინარების, ინტერვიუების ორგანიზება, სტუდენტების სამეწარმეო უნარების განვითარება, დასაქმების ხელშეწყობა და ახალგაზრდებს, მეწარმეებსა და დამსაქმებლებს შორის შეხვედრების ორგანიზება.

ბსუ-ს ტურიზმის ფაკულტეტის „ტურიზმის“ საბაკალავრო საგანმანათლებლო პროგრამის მეორე სასწავლო წლის სტუდენტი ნინი თებიძე და მესამე სასწავლო წლის სტუდენტი ალეკო ბერიძე 2023-2024 სასწავლო წლის გაზაფხულის სემესტრში სწავლას ლატვიაში, ვიძემის გამოყენებით მეცნიერებების უნივერსიტეტის ტურიზმის პროგრამაზე გააგრძელებენ. სტუდენტები სპეციალობის შესაბამისად გაივლიან ტურიზმში პროექტების მართვის, Საჯარო გამოსვლების, ვიზიტორების მოტივაციის, ლატვიური ენისა და კულტურის სასწავლო კურსებს.

ბათუმის შოთა რუსთაველის სახელმწიფო უნივერსიტეტის რექტორი, პროფესორი მერაბ ხალვაში, ტურიზმის ფაკულტეტის დეკანი, ასოცირებული პროფესორი ირაკლი კორძაია და მასპინძლობის მენეჯმენტის დეპარტამენტის ხელმძღვანელი, პროფესორი როსტომ ბერიძე მსოფლიოში ერთ-ერთ უდიდეს ტურისტულ გამოფენაზე - „ITB Berlin 2024“ იმყოფებოდნენ. ვიზიტი მიზნად ისახავდა ტურიზმის მიმართულების საგანმანათლებლო პროგრამების მქონე უნივერსიტეტების და სტუდენტების გერმანიის ტურიზმის ინდუსტრიის ორგანიზაციებში საწარმოო პრაქტიკის ობიექტების არსებულ და პერსპექტიულ პარტნიორებთან შეხვედრებს, ტურიზმის სფეროში ინოვაციების, სიახლეების და მსოფლიო ტურიზმის განვითარების ტენდენციების გაცნობას.

„ტურიზმის“ საბაკალავრო საგანმანათლებლო პროგრამის მესამე სასწავლო წლის სტუდენტი ნიკა ხიმშიაშვილი 2023-2024 სასწავლო წლის გაზაფხულის სემესტრში სწავლას საბერძნეთში, ჰელენიკის ხმელთაშუაზღვის უნივერსიტეტის ბიზნესის ადმინისტრირებისა და ტურიზმის პროგრამაზე გააგრძელებს. ნიკა ხიმშიაშვილი სპეციალობის შესაბამისად, დანიშნულების ადგილის ბრენდინგს, კვებისა და სასმელების მენეჯმენტსა და მარკეტინგული ტექნოლოგიების სასწავლო კურსებს გაივლის.

აჭარის ტურიზმისა და კურორტების დეპარტამენტის ორგანიზებით გიდების პირველი საერთაშორისო კონფერენცია გაიმართა. მეორე პანელური სესიის „ტურიზმი და მუზეუმები - მუზეუმი როგორც კულტურული მემკვიდრეობისა და ისტორიის საცავი“ მუშაობაში მონაწილეობა მიიღო ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა. რექტორმა ისაუბრა აჭარის რეგიონში ტურიზმის განვითარებაში ბათუმის შოთა რუსთველის სახელმწიფო უნივერსიტეტის შეტანილ წვლილზე, ტურიზმის ფაკულტეტის როლზე, რომელიც ტურისტული მომსახურების საერთაშორისო სტანდარტების დამკვიდრებას უწყობს ხელს და უცხოელ პარტნიორებთან ერთად ამზადებს ტურიზმისა და მასპინძლობის დარგისათვის მაღალკვალიფიციურ სპეციალისტებს. ასევე ხაზი გაუსვა ბსუ-ს მკვლევრების მონაწილეობით განხორციელებულ სამეცნიერო პროექტებს.