თბილისის სახელმწიფო სამედიცინო უნივერსიტეტის ფარმაციის ფაკულტეტის ორგანიზებით, ბათუმის შოთა რუსთაველის სახელობის სახელმწიფო უნივერსიტეტში გაიმართა საერთაშორისო სამეცნიერო კონფერენცია „თანამედროვე ფარმაცია - მიღწევები და გამოწვევები“. კონფერენცია ქართული ფარმაციის გამორჩეული მოღვაწის, სახელმწიფო პრემიის ლაურეატის, ღირსების ორდენის კავალერის, მეცნიერების დამსახურებული მოღვაწის, გამომგონებლის, მედიკოსის, პედაგოგის, საზოგადო მოღვაწის, მედიკო-ბიოლოგიური და სოციალური მედიცინის აკადემიის აკადემიკოსის, პროფესორ ბიძინა ჭუმბურიძის დაბადებიდან 100 წლის იუბილეს მიეძღვნა.

6 ნოემბერს, ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის უფროსმა მეცნიერ-თანამშრომელმა, ირაკლი მიქელაძემ, უნივერსიტეტის მესამე მისიის ფარგლებში, შეხვედრა ჩაატარა ილია ჭავჭავაძის სახელობის ქალაქ ბათუმის N1 საჯარო სკოლაში და საჯარო ლექცია წაიკითხა.

1 ნოემბერს შავი ზღვის დაცვის დღესთან დაკავშირებით ქობულეთში, ბსუ-ს ფიტოპათოლოგიისა და ბიომრავალფეროვნების ინსტიტუტში Interreg NEXT შავი ზღვის აუზის პროექტის CARE SEA და მესამე მისიის ფარგლებში ერთობლივი კონფერენცია „ზრუნვა შავი ზღვისთვის" გაიმართა.

22 ოქტომბერს ფიტოპათოლოგიისა და ბიომრავალფეროვნების ინსტიტუტს ქობულეთის ილია ჭავჭავაძის სახელობის №2 საჯარო სკოლის მოსწავლეები სტუმრობდნენ. მეცნიერ-თანამშრომელმა, ბიოლოგიის დოქტორმა, მაკა მურადაშვილმა და ინსტიტუტის სამეცნიერო პერსონალმა ბიოლოგიის მასწავლებელს, მაია გოგიტიძეს და სკოლის მოსწავლეებს გააცნეს ინსტიტუტში მიმდინარე სამეცნიერო კვლევების მიმართულებები, მცენარეთა დაავადებების კვლევის სპეციფიკა, ფიტოპათოლოგიური დიაგნოსტიკის მეთოდები და ამ სფეროს მნიშვნელობა სოფლის მეურნეობისა და ეკოსისტემების მდგრადი განვითარებისთვის.

ბათუმის შოთა რუსთაველის სახელმწიფო უნივერსიტეტი თურქმენეთიდან დელეგაციას მასპინძლობს. უნივერსიტეტის ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილება თურქმენეთის რესპუბლიკას ეროვნული პარკის დაარსებასა და მენეჯმენტის გეგმის შემუშავებაში დაეხმარება.