ფიტოპათოლოგიისა და ბიომრავალფეროვნების ინსტიტუტის მცენარეთა დაავადებების მონიტორინგის, დიაგნოსტიკისა და მოლეკულური ბიოლოგიის განყოფილების მთავარმა მეცნიერ თანამშრომელმა ლამზირი გორგილაძემ ჩაატარა სემინარი თემაზე: „ფიტოპათოგენური კულტურათა კოლექციის მნიშვნელობა და გამოყენება". მომხსენებელმა ისაუბრა ფიტოპათოგენთა კოლექციის არსებობის აუცილებლობაზე. იგი საჭიროა გარკვეულ ისტორიულ პერიოდში მიკროორგანიზმთა პოპულაციაში მიმდინარე ცვლილებების შესასწავლად, სელექციური საქმიანობაში აუცილებელი ხელოვნური ინფექციური ფონის შესაქმნელად, მცენარეთა დაცვის საშუალებების მისაღებად. ფიტოპათობენთა კოლექცია მნიშვნელოვან როლს თამაშობს მიკრობული მრავალფეროვნების შენარჩუნებასა და სოფლის მეურნეობის პროდუქტების ბიოტექნოლოგიურ წარმოებაში.

ბსუ-ს ფიტოპათოლოგიისა და ბიომრავალფეროვნების ინსტიტუტის, გამძლეობის გენეტიკის განყოფილების უფროსმა, მთავარ მეცნიერ თანამშრომელმა ზოია სიხარულიძემ ჩაატარა სემინარი თემაზე: „ინფექციური დაავადებებისადმი მცენარეთა იმუნიტეტის საფუძვლები“. მომხსენებელმა ისაუბრა იმუნიტეტის მნიშვნელობაზე, იმუნურ სისტემაზე, აქტიურ და პასიურ იმუნიტეტზე. მომხსენებლის მიერ მნიშვნელოვანი აქცენტები იქნა გაკეთებული მცენარეთა დაავადებებისადმი გამძლეობაზე და მათ მართვის გზებზე.

ბსუ-ს ფიტოპათოლოგიისა და ბიომრავალფეროვნების ინსტიტუტის მცენარეთა დაავადებების მონიტორინგის, დიაგნოსტიკისა და მოლეკულური ბიოლოგიის განყოფილების მეცნიერ თანამშრომელმა ნანა აფციაურმა ჩაატარა სემინარი თემაზე: „კარტოფილი და ფიტოფტორა“. მომხსენებელმა ისაუბრა ფიტოფტორის მავნეობაზე, საქართველოში გავრცელების არეალსა და მისი განვითარების ინტენსიობაზე. ყურადღება გაამახვილა კლიმატის გლობალური ცვლილების ფონზე დაავადების მასშტაბების გაზრდასა და მის წინააღმდეგ ბრძოლის ღონისძიებებზე.

ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების უფროსმა, მთავარ მეცნიერ თანამშრომელმა იზოლდა მაჭუტაძემ სემინარი ჩაატარა თემაზე: „კოლხეთის დაბლობის ფლორის გლობალური და საქართველოს წითელი ნუსხის სახეობები“. მომხსენებელმა ისაუბრა გლობალური წითელი ნუსხის და კოლხეთის დაბლობის იმ ჰაბიტატებისა და ფლორის სახეობების მნიშვნელობაზე, რომლებიც განიხილება გლობალური IUCN Red List-ისა და საქართველოს წითელი ნუსხისათვის.

ფიტოპათოლოგიისა და ბიომრავალფეროვნების ინსტიტუტის გამძლეობის გენეტიკის განყოფილების მეცნიერ თანამშრომელმა ქეთინო სიხარულიძემ სემინარი ჩაატარე თემაზე: „მიკოტოქსინების გავლენა ადამიანისა და ცხოველის ჯანმრთელობაზე“. მომხსენებელმა წარმოადგინა ინფორმაცია თუ რა არის მიტოტოქსინი, რომელი სოკოები გამოყოფენ მიკოტოქსინებს, რომელია მათი სამიზნე ორგანოები, რა დაავადებებს იწვევენ ისინი ადამიანისა და ცხოველის ორგანიზმში და რა სიმპტომები ახასიათებთ.