შვეიცარიის მთავრობამ 2015-2016 სასწავლო წლისათვის ქართველი მკვლევრებისათვის გამოაცხადა სასტიპენდიო პროგრამები.საბუთების მიღების ბოლო ვადაა 2014 წლის 28 ნოემბრის 14.00 საათი. სტიპენდიებთან დაკავშირებული დეტალური ინფორმაცია შეგიძლიათ იხილოთ თანდართულ ფაილებში ან შემდეგ ბმულზე სტიპენდიის მოსაპოვებლად , ინგლისურ, გერმანულ, ფრანგულ ან იტალიურ ენებზე გააგზავნეთ ინფორმაცია, თუ რა სახის სტიპენდიის მიღება გსურთ(კვლევითი, სადოქტორო, თუ პოსტ-სადოქტორო), სამოტივაციო წერილი, აქტუალური და სრული ბიოგრაფია შემდეგ მისამართზე: tif.vertretung@eda.admin.ch

2014-2015 სასწავლო წლის პირველი (შემოდგომის) სემესტრის მევლანას გაცვლითი პროგრამის გამარჯვებულთა სია

ჩეხეთის რესპუბლიკა გთავაზობთ სამთავრობო სტიპენდიებს 2015-2016 სასწავლო წლისათვის. 4 სტიპენდია განკუთვნილია ჩეხურ ენაზე, (ბაკალავრიატის, მაგისტრატურისა და დოქტორანტურის სტუდენტებისთვის) ხოლო 3 სტიპენდია ინგლისურ ენაზე სწავლისათვის (მაგისტრატურისა და დოქტორანტურის სტუდენტებისთვის). სპეციალობები: მედიცინა, ტექნიკური საგნები, ინჟინერია, ეკონომიკა, აგრიკულტურა, ენერგეტიკა, ინფორმატიკა.

საფრანგეთის პუატიეს უნივერსიტეტი სთავაზობს პროფესორებს, სტუდენტებსა და დოქტორანტებს საზაფხულო სკოლას, ამა წლის 22 ივნისიდან 2 ივლისამდე.

ტემპუსის საგრანტო პროექტის Tempus INOTLES( Innovating Teaching and Learning of European Studies) ფარგლებში ბრიუსელში ევროპისმცოდნეობის ვრიჯეს უნივერსიტეტში პროექტში მონაწილე უნივერსიტეტებისთვის სწავლის ახალი ელექტრონული მეთოდების დანერგვის მიზნით ტრენინგი ტრენერებისათვის გაიმართა. ტრენინგში მონაწილეობას ღებულობდნენ პროექტის კოორდინატორი, საგარეო ურთიერთობათა სამსახურის უფროსი ნანა ყურშუბაძე, პროექტის მკვლევარი სოციალურ მეცნიერებათა, ბიზნესისა და სამართალმცოდნეობის ფაკულტეტის ასოცირებული პროფესორი ირაკლი გორგილაძე, ამავე ფაკულტეტის ასოცირებული პროფესორი ირაკლი მანველიძე, ასისტენტ პროფესორი ნატალია ლაზბა, მოწვეული მასწავლებელი ლაშა ბაჟუნაიშვილი და საინფორმაციო ტექნოლოგიებისა და კომუნიკაციის სამსახურის სპეციალისტი ბესიკ ბერიძე.

6 ივნისს ბათუმის შოთა რუსთაველის სახელმწიფო უნივერსიტეტის ეზოში საგარეო ურთიერთობათა სამსახურის ინიციატივით ჩატარდა „საერთაშორისო დღე“ სტუდენტებისა და პროფესორ-მასწავლებლებისათვის. დაინტერესებულ პირებს სამსახურის თანამშრომლები მთელი დღის განმავლობაში აწვდიდნენ ინფორმაციას გაცვლითი პროგრამების, სამთავრობო გრანტების, საერთაშორისო პროექტების შესახებ, ასევე მიეწოდათ ინფორმაცია პროგრამათა გამოცხადებისა და დედლაინების შესახებ. აღნიშნული ღონისძიება ჩატარდება წელიწადში 2-ჯერ უშუალოდ საერთაშორისო პროგრამების გამოცხადების წინ და ტრადიციულად ივნისის პირველ კვირაში, რათა სტუდენტებს აუმაღლდეთ მოტივაცია და შეძლონ წინასწარ დაგეგმონ მომავალი სასწავლო წელი.

ართვინის ჭოროხის უნივერსიტეტი გთავაზობთ საზაფხულო სკოლაში მონაწილეობას, რომელიც კლიმატის ცვლილებების საფუძვლებთან დაკავშირებული ბუნების მცოდნეობის პროექტის ფარგლებში გაიმართება. საზაფხულო სკოლა ჩატარდება 2 ეტაპად: 3-12 აგვისტო, 13-22 აგვისტო. მონაწილეობის ხარჯები გაღებული იქნება პროექტის მხრიდან.

2014 წლის 3-5 ივნისს სტამბულის არელის უნივერსიტეტში ტარდება საერთაშორისო ვორქშოპი - ენზიმები ბიოკატალიზისათვის. ვორქშოპი მოიცავს როგორც ზეპირ ,ასევე სასტენდო მოხსენებს. ადრეული რეგისტრაციის ბოლო ვადაა 11 მაისი 2014 წელი. გვიანდელი რეგისტრაციის ბოლო ვადაა 25 მაისი 2014 წელი. აბსტრაქტის გაგაზავნის ბოლო ვადაა 19 მაისი.