ბათუმის შოთა რუსთაველის სახელმწიფო უნივერსიტეტი ბსუ-ს აკადემიური პერსონალისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ზალცბურგის უნივერსიტეტისთვის (ავსტრია) სოციალური და პოლიტიკური მეცნიერებების მიმართულებით ადმინისტრაციული მობილობის განსახორციელებლად ერთობლივი საბაკალავრო და სამაგისტრო პროგრამების შედგენის საკითხებზე.

10-15 ივნისს, „ერაზმუს+“-ის პროექტის ფარგლებში, გერმანის ფედერალური რესპუბლიკის ქალაქ მიუნსტერში მიწვეული იყვნენ ბსუ-ს ჰუნანიტარულ მეცნიერებათა ფაკულტეტის დეკანი, ასოცირებული პროფესორი თეონა ბერიძე და ასოცირებული პროფესორი ნელი ახვლედიანი. მიუნტერის უნივერსიტეტის გერმანისტიკის ინსტიტუტის პროფესორებთან და ადმინისტრაციის წარმომადგენლებთან გამართულ შეხვედრაზე ბსუ-ს პროფესორები გაეცნენ სასწავლო პროცესის მართვის სპეციფიკასა და დიგიტალიზების პერსპექტივებს. შეხვედრის მონაწილეებმა ასევე განიხილეს პროგრამის ხარისხის მდგრადობის უზრუნველყოფის საკითხები და გერმანისტთა ერთობლივი საერთაშორისო კონფერენციის საორგანიზაციო საკითხები, რომელიც 2024 წლის 1-2 ოქტომბერს გაიმართება მიუნსტერის უნივერსიტეტში ჰიბრიდულ ფორმატში.

27-31 მაისს ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საერთაშორისო ურთიერთობების დეპარტამენტის მთავარმა სპეციალისტმა, ბესიკ ნარაკიძემ „ერასმუს+“-ის KA171 პროგრამის ფარგლებში მონაწილეობა მიიღო ჰელენიკის ხმელთაშუა ზღვის უნივერსიტეტში (საბერძნეთი) გამართულ მე-11 საერთაშორისო კვირეულში. ვიზიტის მიზანი იყო უნივერსიტეტებს შორის გამოცდილების გაზიარება/გაცვლა, ასევე, ბსუ-ს პოპულარიზაცია და ახალი პარტნიორების მოძიება.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ - პროფესორი ნინო დევაძე „ერაზმუს+“-ის აკადემიური პერსონალის გაცვლითი პროგრამის და "საერთაშორისო კვირეულის" ფარგლებში 2024 წლის 5-11 მაისს კორდობას უნივერსიტეტში (UCO) იმყოფებოდა. "საერთაშორისო კვირეულის" განმავლობაში სამუშაო შეხვედრები გაიმართა უნივერსიტეტის რექტორის მოადგილესთან ინტერნაციონალიზაციის ფარგლებში და სხვადასხვა ფაკულტეტების წარმომადგენლებთან. ნინო დევაძემ ერთი კვირის განმავლობაში სემინარები ჩაატარა ტურიზმის მდგრადი განვითარების აქტუალურ საკითხებზე ტურიზმის ბაკალავრიატის საგანმანათლებლო პროგრამის სტუდენტებისთვის.

ბათუმის შოთა რუსთაველის სახელმწიფო უნივერსიტეტში საერთაშორისო განათლების დღე გაიმართა. ღონისძიებაზე სხვადასხვა ფაკულტეტის სტუდენტებს „ერაზმუს+“-ის გაცვლით პროგრამებში მონაწილეობის გამოცდილება გაუზიარეს საერთაშორისო მობილობის ფარგლებში ჩამოსულმა უცხოელმა სტუდენტებმა და „ერაზმუს+“-ის გაცვლით პროგრამებში მონაწილე ბსუ-ს სტუდენტებმა. საერთაშორისო განათლების დღის ფარგლებში უცხოეთში განათლების მიღების მსურველები გაეცნენ წამყვანი უნივერსიტეტების გაცვლით პროგრამებსა და სწავლების პირობებს. ღონიძიებაზე უცხოელ სტუდენტებს საუნივერსიტეტო ცხოვრებაში აქტიური მონაწილეობისთვის სერტიფიკატები გადაეცათ.

2-8 ივნისს, „ერაზმუს+“-ის გაცვლითი პროგრამის ფარგლებში, ბსუ-ს ჰუმანიტარულ მეცნიერებათა ფაკულტეტის ასისტენტ პროფესორი შოთა როდინაძე იმყოფებოდა ბიალისტოკის უნივერსიტეტში (პოლონეთი). შოთა როდინაძე დაესწრო აღნიშნული უნივერსიტეტის მიერ ორგანიზებულ სხვადასხვა უნივერსიტეტის პერსონალთა საერთაშორისო სატრენინგო კვირეულს. "საერთაშორისო კვირეულის" განმავლობაში სამუშაო შეხვედრები გაიმართა უნივერსიტეტის რექტორის მოადგილესთან ინტერნაციონალიზაციის ფარგლებში და სხვადასხვა ფაკულტეტების წარმომადგენლებთან. ვიზიტის ფარგლებში შოთა როდინაძე გაეცნო საგანმანათლებლო პროგრამებს, საუნივერსიტეტო ცხოვრებას, მიმდინარე სასწავლო პროცესსა და სიახლეებს, ასევე შეხვდა უნივერსიტეტის დეპარტამენტების, ლაბორატორიებისა, საგარეო ურთიერთობათა სამსახურის წარმომადგენლებს და დაიგეგმა სამომავლო ურთიერთთანამშრომლობის მიმართულებები.

ბათუმის შოთა რუსთაველის სახელმწიფო უნივერსიტეტი ბსუ-ს პერსონალისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ვიძემის გამოყენებითი მეცნიერებების უნივერსიტეტისთვის (ლატვია) „საერთაშორისო კვირეული 2024“ -ში "Shaping Minds: The Intersection of Deep Tech and Modern Education " მონაწილეობის მისაღებად. კვირეული გაიმართება 2024 წლის 16-20 სექტემბერს.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ანჟერის უნივერისტეტში (საფრანგეთი) მობილობის განსახორციელებლად 2024-2025 სასწავლო წლის შემოდგომა/გაზაფხულის სემესტრებისთვის (დეტალური ინფორმაცია იხილეთ დანართი 1-ში)