ბათუმის შოთა რუსთაველის სახელმწიფო უნივერსიტეტში უკვე მესამედ ჩატარდა საერთაშორისო სამეცნიერო კონფერენცია “შავიზღვისპირეთი ცივილიზაციათა გზაჯვარედინზე”. სიახლე და მნიშვნელოვანი მონაპოვარია ის, რომ მიმდინარე წლიდან გამოცემა „Erihplus”-ის სამეცნიერო ბაზაშია ინდექსირებული. კონფერენციაში 14 ქვეყნის 200-ზე მეტი მეცნიერი მონაწილეობდა. მათ მიერ წარმოდგენილი მოხსენებები შავი ზღვის რეგიონის ისტორიის, არქეოლოგიის, ეთნოლოგიის, ფილოლოგიის, ენათმეცნიერების, ფოლკლორის, ტურიზმის, ეკოლოგიის, ტოპონიმიკის, რელიგიათმცოდნეობის, ფილოსოფიის, არქიტექტურის, სამართლის და სხვა მიმართულების სექციებს მოიცავდა. სამეცნიერო კონფერენცია ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის კვლევითი ინსტიტუტის ორგანიზებით, საქართველოს მეცნიერებათა ეროვნული აკადემიის, რუმინეთის მეცნიერებათა აკადემიისა და კონსტანცას ოვიდიუსის უნივერსიტეტის თანაორგანიზებითა და საქართველოს განათლების, მეცნიერებისა და ახალგაზრდობის სამინისტროსა და აჭარის ა.რ. განათლების, კულტურისა და სპორტის სამინისტროს ფინანსური მხარდაჭერით ჩატარდა.

უცხოელ მკვლევრებთან ერთად, ბათუმის შოთა რუსთაველის სახელმწიფო უნივერსიტეტის მეცნიერებმა შავი ზღვის დაბინძურებისა და მასთან დაკავშირებული არაერთი პრობლემის შესწავლა დაიწყეს. პროექტი, რომელშიც საქართველო, საბერძნეთი, მოლდოვა, თურქეთი და რუმინეთი მონაწილეობს, ორწლიანია. კვლევით საქმიანობასთან ერთად, დაგეგმილია მონიტორინგი, ეკოლოგიური რეაბილიტაციის გეგმის შემუშავება და სამოქალაქო ცნობიერების ამაღლება გარემოსდაცვითი საკითხების შესახებ.

ბსუ-ში საერთაშორისო სამეცნიერო კონფერენცია სახელწოდებით „ბიომრავალფეროვნების ცალკეული კომპონენტის შესწავლა, დაცვა, შენარჩუნება, გონივრული გამოყენება“ ჩატარდა, რომელიც ბსუ-ს ფიტოპათოლოგიისა და ბიომრავალფეროვნების ინსტიტუტის 65 წლის იუბილეს მიძღვნა. კონფერენციაში საქართველოს, პოლონეთის, თურქეთის, ნიდერლანდების, კანადის, შვეიცარიის და იტალიის წამყვანი სამეცნიერო და სასწავლო დაწესებულებების მკვლევრები მონაწილეობდნენ. ორდღიანი კონფერენცია აჭარის ა.რ. განათლების, კულტურისა და სპორტის სამინისტროს მხარდაჭერით გაიმართა.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის მე-4 კურსის სტუდენტი თათია პაქსაძე, საუნივერსიტეტო ცხოვრებაში აქტიურობით გამოირჩევა. სამეცნიერო კონფერენციაზე, უკვე მეორედ, მისი ინტერესის სფერო პოემა „ვისრამიანით“ შემოიფარგლება. ამბობს, რომ საკითხით მეორე კურსიდან დაინტერესდა და პრობლემების სიღრმისეულ ანალიზსაც ეტაპობრივად შეუდგა. თათიას თემის ხელმძღვანელი პროფესორი რამაზ ხალვაში გახლდათ.

მედიადამოკიდებულება, ციფრული ტექნოლოგიების გავლენა და თავის დაღწევის გზები, თანამედროვეობის ერთ-ერთო აქტუალური საკითხთაგანია. ცალსახად მნიშვნელოვანია, უფროსმა მოზარდს მართებული მაგალითი მისცეს. რეალობის მიუხედავად, ადამიანებზე კომპიუტერული ტექნოლოგიების გავლენის ფაქტორები, ჯერ კიდევ შესწავლის სტადიაშია. აღნიშნულ პრობლემასთან მიმართებაში გაზეთ „ბათუმის უნივერსიტეტის“ კითხვებს ბათუმის შოთა რუსთაველის სახელმწიფო უნივერსიტეტის ფსიქოლოგიის დეპარტამენტის ასისტენტ-პროფესორი, ქალბატონი გურანდა შამილიშვილი პასუხობს.