2023 წლის 15-16 მარტს კავკასიის უნივერსიტეტი უმასპინძლებს მერვე წლიურ სამეცნიერო კონფერენციას. კონფერენციის მიზანია, გააერთიანოს ნაშრომები, რომლებიც შეეხება თანამედროვე სოციალურ-პოლიტიკურ, ეკონომიკურ და ტექნოლოგიურ გამოწვევებს. კონფერენციის თემატიკა ინტერდისციპლინურია და ღონისძიების სამეცნიერო კომიტეტი განიხილავს საკონფერენციო ნაშრომებს, რომლებიც მეთოდოლოგიურად წარმოადგენენ შემთხვევის შესწავლას (Case Study) ან/და შედარებით კვლევას (Comparative Research).

გამოცხადდა მიღება პოლონეთის რესპუბლიკის ლეინ კირკლენდის სასტიპენდიო პროგრამაზე (The Lane Kirkland Scholarship Program) 2023/2024 აკადემიური წლისათვის და ლეინ კირკლენდის კვლევითი პროგრამაზე (2023 KIRKLAND RESEARCH scholarships). სასტიპენდიო პროგრამა ითვალისწინებს ორი სემესტრის განმავლობაში სწავლას ოთხი პოლონური აკადემიური ცენტრიდან ერთ-ერთში (ვარშავა, კრაკოვი, ვროცლავი, ლუბლინი) და მინიმუმ ორკვირიან პროფესიულ სტაჟირებას საჯარო, კერძო და არსამთავრობო ორგანიზაციებში.ეინ კირკლენდის კვლევითი პროგრამა (2023 KIRKLAND RESEARCH scholarships) განკუთვნილია 45-წლამდე მკვლევრებისთვის, რომლებიც ფლობენ დოქტორის ხარისხს და ამჟამად იკავებენ აკადემიურ პოზიციას.

2023-2024 აკადემიური წლისთვის ქართველი სტუდენტებისა და მეცნიერებისთვის გამოყოფილია ავსტრიის შემდეგი სასტიპენდიო პროგრამები: ფრანც ვერფელის (Franz Werfel); ფრანც ვერფელის სტიპენდია გერმანული ენისა და ავსტრიული ლიტერატურის უნივერსიტეტის მასწავლებლებისთვის. რიჩარდ პლაშკას (Richard Plaschka) სტიპენდია აფინანსებს ისტორიის მკვლევარებს, რომლებიც ძირითადად ავსტრიის ისტორიას შეისწავლიან.

ბათუმის შოთა რუსთველის სახელმწიფო უნივერსიტეტს სამუშაო ვიზიტით ფრანკოფონიის საუნივერსიტეტო სააგენტოს ხელმძღვანელი საქართველოში თამარ ღარიბაშვილი ეწვია. ბსუ-ს ჰუმანიტარულ მეცნიერებათა ფაკულტეტის დეკანთან, პროფესორ მარინა გიორგაძესთან, სამეცნიერო კვლევების სამსახურის წარმომადგენლებთან, პროფესორ-მასწავლებლებთან, სტუდენტებთან, დოქტორანტებთან გამართულ შეხვედრებზე თამარ ღარიბაშვილმა ფრანგული ფილოლოგიის მიმართულებით თანამშრომლობის გაღრმავების მნიშვნელობაზე ისაუბრა და ფრანგული AUF-ის და CEF პროექტები წარმოადგინა.

2022 წლის 6-8 დეკემბერს, აჭარის მუზეუმში ჩატარდება მეორე საერთაშორისო სამეცნიერო კონფერენცია “მუზეუმი და გლობალიზაცია”. კონფერენციის მონაწილეს გადაეცემა სერტიფიკატი და ნაშრომები დაიბეჭდება აჭარის მუზეუმის სამეცნიერო ჟურნალში - „მუზეუმი და გლობალიზაცია“. კონფერენციაში მონაწილეობა შეუძლიათ ჰუმანიტარული, სოციალური მეცნიერებების, ეკონომიკისა და ბიზნესის მენეჯმენტის დარგების მკვლევრებს.