5, 6, 7 და 8 დეკემბერს ბსუ-ს პროფესიულ მასწავლებლებს ჩაუტარდათ 20 საათიანი ტრენინგი თემაზე „ციფრული ტექნოლოგიების გამოყენების უნარების განვითარება“. ბსუ-ს პროფესიული განათლების მასწავლებლების ციფრული კომპეტენციების შეფასების მიზნით ჩატარებული კვლევის შედეგად გამოიკვეთა სასწავლო პროცესში პერსონალის ციფრული ტექნოლოგიების გამოყენების უნარების განვითარების საჭიროება. აღნიშნულიდან გამომდინარე, მოწვეულ იქნა განათლების მართვის საინფორმაციო სისტემის „e-school” პროექტის მენეჯერი და ილიას სახელმწიფო უნივერსიტეტის მოწვეული მასწავლებელი ეკა ჯელაძე.

ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრის დირექტორმა მადონა მიქელაძემ მონაწილეობა მიიღო პროფესიული უნარების სააგენტოს მიერ ორგანიზებულ სამუშაო შეხვედრაში.

ცხადდება მიღება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს პროფესიული განვითარების საბჭოს მიერ 2024 წლის 27 სექტემბრის N19 სხდომის გადაწყვეტილებით აკრედიტებულ (აკრ. N0770) უწყვეტი სამედიცინო განათლების (შემდეგში - უსგ) ტრენინგ-პროგრამაზე „მუცლის და მენჯის ღრუს ორგანოების გადაუდებელი შემთხვევების რადიოლოგიური დიაგნოსტიკის საფუძვლები“.

ბათუმის შოთა რუსთაველის სახელმწიფო უნივერსიტეტში პროფესიულ საგანმანათლებლო პროგრამებზე სასწავლო პროცესი დაიწყო. სტუდენტებს სწავლის დაწყება ბსუ-ს რექტორის მოადგილემ თამარ სირაძემ და პროფესიული პროგრამების მართვის და უწყვეტი განათლების ცენტრის დირექტორმა მადონა მიქელაძემ მიულოცეს. მათ ისაუბრეს პროფესიული განათლების მნიშვნელობასა და ბსუ-ს მიერ შეთავაზებულ სიახლეებსა და შესაძლებლობებზე, რომლებიც სტუდენტების კარიერულ განვითარებას ემსახურება. ასევე სიტყვით გამოვიდნენ ბათუმის რეფერალური ჰოსპიტალის სამედიცინო დირექტორი, ბსუ-ს პროფესიული საგანმანათლებლო პროგრამის „საექთნო განათლება" ხელმძღვანელი თამარ მხატვარი და ბათუმის რეფერალური ჰოსპიტალის მთავარი მედდა, ამავე პროგრამის ხელმძღვანელი ინგა კილტავა. ღონისძიებას დამსაქმებლები, სტუდენტები, პროფესორ-მასწავლებლები და კურსდამთავრებულები ესწრებოდნენ.

ბათუმის შოთა რუსთაველის სახელმწიფო უნივერსიტეტი პროფესიული უნარების სააგენტოს მიერ გამოცხადებული არაფორმალური საგანმანათლებლო კურსების შემუშავების საგრანტო კონკურსის გამარჯვებულია და არაფორმალური საგანმანათლებლო კურსის “უწყვეტი პერსონალური და პროფესიული განვითარების სტრატეგიები” განხორციელების უფლება მოიპოვა.