ტურიზმის ფაკულტეტის „სარესტორნო საქმისწარმოების“ III საფეხურის პროფესიული საგანმანათლებლო პროგრამის სტუდენტებს სერვირებასა და მომსახურებაში პრაქტიკული მეცადინეობა ჩაუტარდათ. პრაქტიკული მეცადინეობა ითვალისწინებს ექვსთვიანი სწავლების დროს მიღებული თეორიული ცოდნის გაღრმავებას და შესაბამისი უნარ-ჩვევების სრულყოფას. პრაქტიკული სწავლება ტურიზმის ფაკულტეტის რესტორნის სადემონსტრაციო ოთახში ჩატარდა და მას აჭარის ტურიზმისა და კურორტების დეპარტამენტის სერვისების განვითარების სამსახურის უფროსი გიორგი დოლიძე ხელმძღვანელობდა.

ბსუ-ს პროფესიული პროგრამების „ბეჭდური და ონლაინ გამოცემების რეპორტიორისა’’ და „კორესპონდენტის’’ სპეციალობის სტუდენტებმა სასწავლო პროცესში განხორციელებული პრაქტიკული ნამუშევრები ფართო საზოგადოებას წარუდგინეს. მომავალ ჟურნალისტებს მიესალმნენ აჭარის განათლების მინისტრი ინგა შამილიშვილი, აჭარის საზოგადოებრივი მაუწყებლის ხელმძღვანელი ნათია კაპანაძე და ბსუ-ს რექტორი მერაბ ხალვაში. მოწვეულ სტუმრებს სტუდენტებმა წარუდგინეს ფოტო და ვიდეო ნამუშევრები, ისაუბრეს იმ ჟურნალისტურ პროექტებზე, რომლებშიც აქტიურ მონაწილეობას ღებულობდნენ. შეხვედრის დასასრულს, აჭარის განათლების მინისტრმა ინგა შამილიშვილმა პროფესიულ სტუდენტთა პრაქტიკულ კონფერენციაში გამარჯვებულ სტუდენტებს - ლინდა მესხიძეს, ხატია რომანაძეს, იაგო ფალავანდიშვილს, თორნიკე დევაძესა და გიორგი გორჯელაძეს სერტიფიკატები გადასცა.

2017-2018 სასწავლო წლის გაზაფხულის სემესტრში ბსუ-ს პროფესიულ საგანმანათლებლო პროგრამებზე ჩარიცხული პროფესიული სტუდენტები

ბათუმის შოთა რუსთაველის სახელმწიფო უნივერსიტეტის პროფესიულ საგანმანათლებლო პროგრამებზე ჩასარიცხ აპლიკანტთა რეგისტრაცია იწარმოებს 23-24 მაისს, პროფესიული პროგრამების მართვის სამსახურში შემდეგ მისამართზე: ქ. ბათუმი, ნინოშვილის/რუსთაველის 32/35; საერთო საცხოვრებლის შენობა; IV სართული; ოთახი #404. ჩასარიცხ აპლიკანტთა სია იხილეთ დანართში.

ბათუმის შოთა რუსთველის სახელმწიფო უნივერსიტეტის კორესპონდენტის პროფესიული საგანმანათლებლო პროგრამის სტუდენტები საზოგადოებრივი მაუწყებლის აჭარის ტელევიზიასა და რადიოში სასწავლო და საწარმოო პრაქტიკას გადიან. ერთი თვის განმავლობაში ახალგაზრდები საზოგადოებრივი მაუწყებლის მუშაობის სპეციფიკას გაეცნობიან. სტუდენტები ახალი ამბების, შემოქმედებითი გადაცემებისა და ვებგვერდის პლატფორმის მიმართულების ჯგუფებთან ერთად იმუშავებენ.