ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის მათემატიკის დეპარტამენტის ასოცირებულმა პროფესორმა მზევინარ ბაკურიძემ სემინარი ჩაატარა თემაზე: „ლუწი და კენტი ფუნქციების ფურიეს ტრიგონომეტრიული მწკრივების ზოგიერთი თვისება“.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის მათემატიკის დეპარტამენტის პროფესორმა ონისე სურმანიძემ სემინარი ჩაატარა თემაზე: „სუსტად წრფივად კომპაქტური ჯგუფების ლოკალური პირდაპირი ნამრავლის შესახებ“. კლასიკური შედეგები კომუტაციური ლოკალურად კომპაქტური ჯგუფებისათვის, სხვა ავტორებთან ერთად, ძირითადში მიღბულია ლ. პონტრიაგინის მიერ. ამ კლასის ჯგუფებისათვის მის მიერ შექმნილი მახასიათებელთა თეორია ერთ-ერთი ძირითადი აპარატია მათი შესწავლისათვის. კერძოდ, დისკრეტული ჯგუფებისათვის ცნობილი შედეგები მისი გამოყენებით ავტომატურად გადადის კომპაქტური ჯგუფებისათვის და პირიქით.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის მათემატიკის დეპარტამენტის აცოსირებულმა პროფესორმა ომარ გივრაძემ სემინარი ჩაატარა თემაზე: სასრულო ჯაჭვებით განსაზღვრული ბინარულ მიმართებათა სრული ნახევარჯგუფების წარმომქმნელი სიმრავლეები“. ნაშრომში განხილულია სასრულო m-ელემენტიანი ჯაჭვებით განსაზღვრული ბინარულ მიმართებათა სრული BX(D) ნეხევარჯგუფების დაუყვანადი წარმომქმნელი სიმრავლეები.

საზაფხულო სკოლა „კვლევის თანამედროვე მიდგომები განათლების დარგში“ გაიხსნა ბათუმის შოთა რუსთაველის სახელმწიფო უნივერსიტეტში. ხუთი დღის განმავლობაში ტრენერები როის ჯეფერსონ ჯორჯი და დავით დარსაველიძე მსმენელებს გააცნობენ განათლების დარგის კვლევების თანამედროვე მეთოდოლოგიას. საზაფხულო სკოლის მუშაობაში ბათუმის შოთა რუსთველის სახელმწიფო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, ქუთაისის აკაკი წერეთლის სახელმწიფო უნივერსიტეტის დოქტორანტები და განათლების დარგის კვლევებით დაინტერესებული პირები არიან ჩართული. საზაფხულო სკოლა ბსუ-ს და ნოუ ჰაუ ტრენინგ ცენტრის ორგანიზებით თსუ-ს სტუდენტური პროექტის ფარგლებში ტარდება.

ბსუ-ში ზუსტ მეცნიერებათა და განათლების ფაკულტეტის ენებისა და საინფორმაციო ტექნოლოგიების ცენტრის პედაგოგისა და მკვლევარის ჟალე მამუჭაძის 70 წლისადმი მიძღვნილი საიუბილეო შეხვედრა გაიმართა. ღვაწლმოსილ პედაგოგს იუბილე მიულოცეს, წარმატებები უსურვეს და მის ღვაწლზე ისაუბრეს უნივერსიტეტის რექტორმა მერაბ ხალვაშმა, ფაკულტეტის დეკანმა ლელა თურმანიძემ და პროფესორ-მასწავლებლებმა. ღონისძიებაზე ჟალე მამუჭაძეს უნივერსიტეტში გაწეული ნაყოფიერი სამეცნიერო-პედაგოგიური საქმიანობისათვის საპატიო სიგელი გადაეცა.