10 დეკემბერს, ზუსტ მეცნიერებათა და განათლების ფაკულტეტის ბავშვთა უფლებების ცენტრის თანამშრომლები ადამიანის უფლებების საერთაშორისო დღის აღსანიშნავად, ხელვაჩაურის მუნიციპალიტეტის დაბა მახინჯაურის საჯარო სკოლას ეწვივნენ.
ზუსტ მეცნიერებათა და განათლების ფაკულტეტის პროფესორმა ლელა თავდგირიძემ და ასოცირებულმა პროფესორებმა: დიანა ახვლედიანმა და დალი დობორჯგინიძემ, სკოლის ბიბლიოთეკას საჩუქრად გადასცეს შოთა რუსთაველის საქართველოს ეროვნული სამეცნიერო ფონდის დაფინანსებით გამოცემული მონოგრაფია: „უსაფრთხო სკოლის ოპტიმალური მოდელის გამოვლენა საქართველოს სოციალურ კონტექსტში“ და აჭარის განათლებისა და სპორტის სამინისტროს „უმაღლესი განათლების ხელშეწყობის“ პროგრამის ფარგლებში გამოცემული სახელმძღვანელო: „როგორ ჩამოვაყალიბოთ დამოუკიდებელი მასწავლებლები: მეტაკოგნიტური, თვით-რეგულატორული და სასწავლო უნარების სწავლება - პრაქტიკოსების გზამკვლევი“. ასევე, ზუსტ მეცნიერებათა და განათლების ფაკულტეტის ასოცირებულმა პროფესორმა თათია ნაკაშიძემ ჩაატარა სემინარი თემაზე: „ხელოვნური ინტელექტის პასუხისმგებლიანი და უსაფრთხო გამოყენება სასწავლო პროცესში“.

ბათუმის შოთა რუსთაველის სახელმწიფო უნივერსიტეტის 90 წლის იუბილესთან დაკავშირებით UNICEF საქართველოს ორგანიზებით 27 ნოემბერს ზუსტ მეცნიერებათა და განათლების ფაკულტეტის სტუდენტებისთვის, ბავშვის უფლებების ცენტრში, გაიმართა სემინარი მედიაწიგნიერების შესახებ.
სემინარზე მომავალმა მასწავლებლებმა განიხილეს თუ რა გამოწვევებია დღეს ამ მიმართულებით, როგორ გადააქცევს მედიაწიგნიერება ინფორმაციას ცოდნად და როგორ უნდა დაიცვას თავი პიროვნებამ დეზინფორმაციისა და კიბერსაფრთხეებისგან.

ბათუმის შოთა რუსთაველის სახელმწიფო უნივერსიტეტის ბავშვის უფლებათა ცენტრის თანამშრომლებმა: ბავშვის უფლებათა ცენტრის ხელმღვანელმა, პროფესორმა ლელა თავდგირიძემ, ზუსტ მეცნიერებათა და განათლების ფაკულტეტის დეკანმა, პროფესორმა ლელა თურმანიძემ, იურიდიულ და სოციალურ მეცნიერებათა ფაკულტეტის დეკანმა პროფესორმა ლევან ჯაყელმა, საქართველოს ბავშვის უფლებათა აკადემიური ქსელის შეხვედრაში მიიღეს მონაწილეობა.

ბათუმის შოთა რუსთაველის სახელმწიფო უნივერსიტეტი პირველი ქართული უნივერსიტეტია, რომელიც ბავშვის უფლებათა წამყვანი ევროპული აკადემიური ქსელის CREAN (Children’s Rights European Academic Network) წევრი გახდა. ბსუ-მ ბავშვის უფლებათა ევროპულ აკადემიურ ქსელში (CREAN) გაწევრიანების განაცხადი მიმდინარე წლის აპრილში წარადგინა.

ბათუმის შოთა რუსთაველის სახელმწიფო უნივერსიტეტის რექტორი ტიტე აროშიძე გაეროს ბავშვთა ფონდის (UNICEF) წარმომადგენელს საქართველოში იესპერ მოლერს შეხვდა. გაცნობითი ხასიათის შეხვედრაზე, მხარეებმა ბავშვთა უფლებების ცოდნის ცენტრის მიღწევებსა და სამომავლო გეგმებზე ისაუბრეს. შეთანხმდნენ ადრეული განათლებისა და ზრუნვის შესახებ მეოთხე საერთაშორისო კონფერენციის ჩატარებაზე, რომელიც ბათუმის სახელმწიფო უნივერსიტეტში ტრადიციულად საქართველოს განათლების, მეცნიერებისა და სპორტის სამინისტროს, აჭარის ა.რ. განათლების, კულტურისა და სპორტის სამინისტროს, გაეროს ბავშვთა ფონდისა და ბათუმის შოთა რუსთაველის სახელმწიფო უნივერსიტეტის ორგანიზებით იმართება.