გაეროს ბავშვთა ფონდის (UNICEF) მხარდაჭერით მიმდინარე პროექტის „უნივერსიტეტის შესაძლებლობების გაძლიერება ინკლუზიური სკოლამდელი და ზოგადი განათლების მხარდასაჭერად“ ფარგლებში ხელვაჩაურის რაიონისა და ქალაქ ბათუმის ბაღების გაერთიანებებთან შეთანხმების საფუძველზე შერჩეული იქნა 76 ბაღის აღმზრდელი-პედაგოგი, სპეციალური მასწავლებელი და მენეჯერი, სკოლამდელი ინკლუზიური განათლების საკითხებში ტრენინგების გასავლელად. სკოლამდელი დაწესებულებების პერსონალს ბათუმის შოთა რუსთაველის სახელმწიფო უნივერსიტეტის ასოცირებულმა პროფესორებმა: ნატო შეროზიამ, მარინე გურგენიძემ და ნანა მამულაძემ, მიმდინარე წლის აგვისტო-სექტემბერში 60 საათიანი ტრენინგ კურსი ჩაუტარეს მასწავლებლის პროფესიული განვითარების ეროვნული ცენტრის ტრენერის თამარ საღინაძის მენტორობით.

გაეროს ბავშვთა ფონდის (UNICEF) მხარდაჭერით ბათუმის შოთა რუსთაველის სახელმწიფო უნივერსიტეტი ახორცილებს პროექტს „უნივერსიტეტის შესაძლებლობების გაძლიერება ინკლუზიური სკოლამდელი და ზოგადი განათლების მხარდასაჭერად“. პროექტის ფარგლებში უნივერსიტეტის ინკლუზიური განათლების, წიგნიერებისა და რაოდენობრივი წიგნიერების მიმართულების სამმა აკადემიურმა პირმა (პროფესორი ლელა თავდგირიძე, ასოცირებული პროფესორი ქეთევან შოთაძე და პროფესორი ლელა თურმანიძე) გაიარა ტრენინგები მოდულებში: სწავლების უნივერსალურ დიზაინი, ინდივიდუალური სასწავლო გეგმების შედგენა, დაწევისა და დაჩქარებული სწავლების კურიკულუმი (ადაპტირებული კურიკულუმი), კურიკულუმის დანერგვის სტრატეგიები, უსაფრთხო სასკოლო გარემო, პოზიტიური მშობლობა და CK12 . შემდგომ ეტაპზე იგეგმება ბსუ-ს აკადემიური პირების მიერ აჭარის რეგიონის მასწავლებლებისთვის შესაბამისი ტრენინგების ჩატარება.

გაეროს ბავშვთა ფონდის (UNICEF) მხარდაჭერით ბათუმის შოთა რუსთაველის სახელმწიფო უნივერსიტეტი ახორცილებს პროექტს „უნივერსიტეტის შესაძლებლობების გაძლიერება ინკლუზიური სკოლამდელი და ზოგადი განათლების მხარდასაჭერად“.

სკოლა "პროგრესის" მოსწავლეები ბსუ-ს ბავშვის უფლებათა ცოდნის ცენტრში

ბათუმის შოთა რუსთაველის სახელმწიფო უნივერსიტეტში ბსუ-ს ბავშვის უფლებათა ცოდნის ცენტრის სამუშაო შეხვედრა გაიმართა, რომელიც მიზნად ისახავდა 2021-2022 სასწავლო წლის განმავლობაში განხორციელებული პროექტების წარდგენას. ღონისძიების ფარგლებში შედგა ბავშვის უფლებათა ცოდნის ცენტრის ტრენინგ-მოდულების, ცენტრისთვის შეძენილი სახელმძღვანელოს, ცენტრის საქმიანობის ამსახველი და თარგმნილი სტატიების, ბუკლეტის და ფოტონახატების გამოფენის ამსახველი მასალების, ვებგვერდის, ლოგოს და Brand Book-ის პრეზენტაცია.