უნივერსიტეტში საერთაშორისო კვირეული გაიხსნა
23 აპრილი 2018 წელი
ბათუმის შოთა რუსთაველის სახელმწიფო უნივერსიტეტში ერაზმუს+-ის აკადემიური და ადმინისტრაციული პერსონალის გაცვლითი პროგრამის ფარგლებში, საერთაშორისო კვირეული გაიხსნა. ღონისძიების მიზანია უმაღლესი საგანმანათლებლო დაწესებულების ინტერნაციონალიზაციის ხელშეწყობა. საერთაშორისო კვირეულის მონაწილეები ბსუ-ს რექტორს მერაბ ხალვაშს, აჭარის ა.რ. განათლების, კულტურისა და სპორტის მინისტრს ინგა შამილიშვილსა და პროფესორ-მასწავლებლებს შეხვდნენ. ღონისძიების დასასრულს, სტუმრები ბსუ-ს მატერიალურ-ტექნიკურ ბაზას გაეცნენ, დაათვალიერეს სტომატოლოგიური კლინიკა, დასავლეთ საქართველოს რეგიონული ქრომატოგრაფიული ცენტრი, იმუნოგენეტიკის კაბინეტი, ფსიქოლოგიური და იურიდიული კლინიკები.