ახალი ამბები
11.02.2023

ბათუმის შოთა რუსთველის სახელმწიფო უნივერსიტეტში მეცნიერ ქალთა და გოგონათა საერთაშორისო დღისადმი მიძღვნილი მრგვალი მაგიდა გაიმართა. ახალგაზრდა მეცნიერებმა ღონისძიებაზე ისაუბრეს სამეცნიერო სფეროში მიღწეული წარმატების ისტორიებზე: კვლევის ეტაპებზე, გამოწვევებსა და სირთულეების გადალახვაზე, ასევე გაუზიარეს სასარგებლო რჩევები ახალგაზრდა, დამწყებ მეცნიერებსა და მეცნიერებით დაინტერესებულ პირებს. 2015 წელს გაეროს გენერალურმა ასამბლეამ 11 თებერვალი მეცნიერ ქალთა და გოგონათა საერთაშორისო დღედ გამოაცხადა.