ახალი ამბები

ბსუ-ს ეკონომიკისა და ბიზნესის ფაკულტეტის სტუდენტებისათვის „ლიბერთი ბანკის“ ანაზღაურებადი სტაჟირებისა და დასაქმების პროგრამის, ახალი ლოგოსა და სლოგანის წარდგინება გაიმართა. ახალგაზრდებს პროგრამაში მონაწილეობის პირობები ბანკის სათაო ოფისის ადამიანთა რესურსების მართვის დეპარტამენტის ხელმძღვანელმა ნინო ჩიხლაძემ, საოპერაციო განყოფილების დირექტორმა ნინო ხომერიკმა, რეგიონალურმა დირექტორმა პაატა დათიშვილმა და ადმინისტრაციულმა მენეჯერმა თათია სეფერთელაძემ გააცნეს. ახალგაზრდებს შესაძლებლობა ეძლევათ, სტაჟირება გაიარონ ლიბერთი ბანკში და დასაქმდნენ სხვადასხვა ფილიალში. პროექტის მიზანია ფუნქციური ცოდნის, სწორი მიდგომების, სიახლეების ათვისების უნარისა და პოტენციალის მქონე ახალგაზრდების მოზიდვა და განვითარება. თანამშრომლობის ფარგლებში, ეკონომიკისა და ბიზნესის ფაკულტეტმა და „ლიბერთი ბანკმა“ მომავალი ღონისძიებები დაგეგმეს.

დასრულდა საერთაშორისო სამეცნიერო კონფერენცია „ბიზანტინოლოგია საქართველოში - 5“. კონფერენციის დახურვას საბერძნეთის ელჩი საქართველოში დიმიტრის კარაბალისი დაესწრო. გაიმართა ბსუ-ს პროფესორ-მასწავლებელთა მონოგრაფიის „პონტოელი ბერძნები აჭარაში - წარსული და თანამედროვეობა"ფარგლებში მოპოვებული აჭარაში მცხოვრებ ბერძენთა ყოფის ამსახველი ფოტოგამოფენა. „შავი ზღვა და შავიზღისპირეთის ქვეყნები-კულტურათა და ცივილიზიაციათა გზაჯვარედინი IV-XV საუკუნეებში“ - ამ თემაზე კონფერენცია ბსუ-ში სამი დღე მიმდინარეობდა, რომელშიც ქართველი, ამერიკელი, გერმანელი, ინგლისელი, თურქი, ბერძენი მკვლევარები და უცხოელი ქართველოლოგები მონაწილეობდნენ.

ბათუმის შოთა რუსთაველის სახელმწიფო უნივერსიტეტს „აბრეშუმის გზის“ ზონის მაღალი და ახალი ტექნოლოგიების ასოციაციის წარმომადგენლების დელეგაცია ეწვია. ჩინეთის დელეგაციის წარმომადგენლები რექტორის მოადგილეს თამარ სირაძეს, პროფესორ-მასწავლებლებს, მკვლევარებსა და სტრატეგიული განვითარებისა და საგარეო ურთიერთობათა დეპარტამეტის წარმომადგენლებს შეხვდნენ. გაცნობითი ხასიათის შეხვედრაზე ასოციაციის გენერალურმა დირექტორმა ჩჟან ჟენჩჟუნიმ ასოციაციის საქმიანობაზე ისაუბრა და სასოფლო-სამეურნეო ავიაციის მაღალტექნოლოგიური მიღწევები წარადგინა. ვიზიტის ფარგლებში სტუმრები ასევე გაეცნენ ბსუ-ს სამეცნიერო-კვლევით პოტენციალს. მხარეებმა შეხვედრაზე სამომავლო თანამშრომლობის საკითხები განიხილეს და სამეცნიერო და სასწავლო მიმართულებით გაცვლითი პროგრამების პრიორიტეტები განსაზღვრეს.

ბათუმის შოთა რუსთაველის სახელმწიფო უნივერსიტეტში საერთაშორისო სამეცნიერო კონფერენცია ბიზანტინოლოგია საქართველოში - 5 გაიხსნა თემაზე: „შავი ზღვა და შავიზღვისპირეთის ქვეყნები - კულტურათა და ცივილიზაციათა გზაჯვარედინი IV-XV საუკუნეებში“. სამდღიანი კონფერენციის მიზანია თანამედროვე ბიზანტინოლოგიასა და ზოგადად ჰუმანიტარულ მეცნიერებებში არსებული ახალი მიმართულებებისა და კვლევების უახლესი, ინოვაციური მეთოდების, ციფრული ჰუმანიტარიის მიღწევების წარმოჩენა და მათი პოპულარიზება საქართველოში. 110 ქართველი, ბერძენი, გერმანელი, ინგლისელი, ამერიკელი და თურქი მკვლევარი სამეცნიერო მოხსენებებს წარმოადგენს შემდეგ რვა სექციაში: ისტორია, წყაროთმცოდნეობა; ხელოვნების ისტორია, არქიტექტურა, არქეოლოგია, ნუმიზმატიკა; ენა და ლიტერატურა; კოდიკოლოგია, ტექსტოლოგია, თარგმანი და ფილოსოფია, რელიგია, თეოლოგია.

ბათუმის შოთა რუსთაველის სახელმწიფო უნივერსიტეტის რექტორის მოადგილემ, პროფესორმა ნათია წიკლაშვილმა და სამეცნიერო კვლევების სამსახურის მთავარმა სპეციალისტმა თამარ ფოლადაშვილმა მონაწილეობა მიიღეს 7-11 ოქტომბერს, ნიცის სოფია ანტიპოლის უნივერსიტეტში გამართულ Erasmus+-ის საგრანტო პროექტის „საქართველოს უმაღლეს საგანმანათლებლო დაწესებულებებში სამეცნიერო კვლევების განვითარების ხელშეწყობის“ მონაწილე ინსტიტუციების შეხვედრაში. ღონისძიების მონაწილეები გაეცნენ მასპინძელი უნივერსიტეტის მუშაობის სპეციფიკას.