ახალი ამბები

ბათუმის შოთა რუსთაველის სახელმწიფო უნივერსიტეტში არსენ გვენატაძემ საჯარო ლექცია წაიკითხა თემაზე: „შეუძლებელი არაფერია“. შეხვედრაზე საუბარი შეეხო ადამიანებს შორის ურთიერთობასა და მოტივაციას. შეხვედრაზე საუბარი შეეხო ადამიანებს შორის ურთიერთობასა და მოტივაციას. არსენ გვენეტაძე ექიმი გინეკოლოგი, რეპროდუქტოლოგი, თბილისის სახელმწიფო უნივერსიტეტის პროფესორი და ზურაბ საბახტარაშვილის რეპროდუქციული კლინიკის ხელმძღვანელია. ასევე, ეწევა საქმიანობას კულტურულ სფეროში, მისი ფერწერული ტილოები გამოიფინა ნიუ იორკში, მილანში, კანში, კაუნასსა და ბერლინში. საჯარო ლექცია ბათუმის შოთა რუსთაველის სახელმწიფო უნივერსიტეტის, ზურაბ საბახტარაშვილის კლინიკის, ბათუმის საზღვაო ჰოსპიტალისა და ჯეპრა ბათუმის ორგანიზებით ჩატარდა.

ბათუმის შოთა რუსთაველის სახელმწიფო უნივერსიტეტის ახალი სასწავლო კორპუსის მშენებლობა იწყება. უნივერსიტეტმა და შპს „ჩაინა ენერჯი ენჯინერინგ გრუპ ნორთვესტ პოვერ კონსტრაქშენ ენჯინერინგ კოს საქართველოს ფილიალმა“ ხელი მოაწერეს მშენებლობის ხელშეკრულებას. თანამედროვე, საერთაშორისო სტანდარტების შესაბამისი სამსართულიანი სასწავლო კორპუსი აჭარის ა.რ. მთავრობის ფინანსური მხარდაჭერით ბათუმში, ლეონიძის ქ. N15-ში აშენდება. მშენებლობისთვის ორი მილიონ ექვსას სამოცი ათას ხუთას ორმოცდასამი ლარია გათვალისწინებული. შენობის სამ სართულზე განთავსდება 27 აუდიტორია, კაბინეტები და საკონფერენციო დარბაზი. კორპუსი ადაპტირებულია შშმ პირებზე, მოეწყობა პანდუსი, სველი წერტილები და ლიფტი. მშენებლობა 2018 წლის დეკემბერში დასრულდება.

ბათუმის შოთა რუსთაველის სახელმწიფო უნივერსიტეტი სტუდენტური კონკურსის „მე - აგროჟურნალისტი” გამარჯვებულია. „ჟურნალისტიკის რესურს ცენტრისა“ და „USAID REAP”- ის პროექტში ხუთი რეგიონული უნივერსიტეტის 21 სტუდენტისგან დაკომპლექტებული გუნდი მონაწილეობდა. კონკურსის მონაწილეებმა საქართველოში „USAID”–ის მიერ დაფინანსებულ აგროსაწარმოებზე 3-წუთიანი ფილმები გადაიღეს.

ბათუმის სახელმწიფო უნივერსიტეტი აჭარის საზოგადოებრივი ჯანდაცვის ცენტრთან ერთად, სტუდენტებისთვის აცხადებს წითელას საწინააღმდეგო ვაქცინაციას. აცრის გაკეთება შესაძლებელია ბსუ-ს მედპუნქტში (ოთახი 101), 21-დან 23- თებერვლის ჩათვლით, 12:00- 15:00 საათამდე.

დასრულდა ბათუმის შოთა რუსთაველის სახელმწიფო უნივერსიტეტის მიზნობრივი სამეცნიერო-კვლევითი პროექტების შესარჩევი კონკურსი. კომპეტენტური ჟიურის გადაწყვეტილებით, კონკურსში გამარჯვება ათმა სამეცნიერო პროექტმა მოიპოვა. ბსუ-ს დაფინანსებით, 2018 წელს უმაღლესი საგანმანათლებლო დაწესებულების აკადემიური პერსონალი და ახალგაზრდა მკვლევარები 10 სამეცნიერო პროექტს განახორციელებენ საბუნებისმეტყველო მეცნიერებების; ინჟინერიის, ტექნოლოგიებისა და აგრარულის; ეკონომიკისა და ბიზნესის; ჰუმანიტარული მეცნიერებების; სოციალური მეცნიერებებისა და ინტერდისციპლინარული კვლევების მიმართულებით.