ახალი ამბები

ბათუმის შოთა რუსთაველის სახელმწიფო უნივერსიტეტის სააქტო დარბაზში აკა მორჩილაძის საჯარო ლექცია გაიმართა თემაზე: „მწერლების ყოველდღიურობა და ყოფა მე–19 საუკუნეში: ილია, აკაკი, ვაჟა, ყაზბეგი და სხვ“. მწერალი სხვადასხვა ფაკულტეტის სტუდენტებს კლასიკოსების ბიოგრაფიასა და მათ მიერ საზოგადოებრივ ცხოვრებაში შეტანილ წვლილზე ესაუბრა. საჯარო ლექცია კომპანია „ჯეოსელის“ სტუდენტური პროექტის „ვიცი“ ფარგლებში ჩატარდა, რომელიც სხვადასხვა ტიპის საგანმანათლებლო აქტივობისა და შეხვედრების ციკლს მოიცავს.

ბათუმის შოთა რუსთაველის სახელმწიფო უნივერსიტეტში გაიმართა შეხვედრასაქართველოს ახალგაზრდობის წარმომადგენელთან გაეროში გიორგი ტუმასიანთან. ახალგაზრდა დიპლომატმა სტუდენტებთან ისაუბრა შემდეგ თემებზე: გაეროში საქართველოს ახალგაზრდობის წარმომადგენლის მანდატი; გაეროს მდგრადიგანვითარების მიზნების წესრიგი; გაეროს რეზოლუცია ახალგაზრდობის როლზემშვიდობის მშენებლობის პროცესში; შერიგების პოლიტიკა საქართველოში დაახალგაზრდების როლი ამ პროცესში. შეხვედრა ბსუ-ს იურიდიული ფაკულტეტის სტუდენტური თვითმმართველობის ორგანიზებით ჩატარდა.

ბათუმის შოთა რუსთაველის სახელმწიფო უნივერსიტეტი მონაწილეობს სამშენებლო მასალებისა და ტექნოლოგიების მე-7 საერთაშორისო გამოფენაში “BATUMI BUILD 2017", რომელიც სასტუმრო "შერატონ ბათუმში"იმართება. 3-დღიან გამოფენაზე სტუმრებს საშუალება აქვთ დაათვალიერონ ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის ბაზაზე არსებულ ინოვაციურ ლაბორატორიაში სტუდენტების მიერ შექმნილი სხვადასხვა სახის კონსტრუქციები და შენობა-ნაგებობების მაკეტები. გამოფენა „ჯეონეტ ექსპოს“ ორგანიზებით ტარდება და მასში 7 ქვეყნის 80-მდე კომპანია მონაწილეობს.

ნიკოლოზ ბარათაშვილის 200 წლის იუბილესადმი მიძღვნილი საღამო გაიმართა ბათუმის შოთა რუსთაველის სახელმწიფო უნივერსიტეტში. პოეტის ცხოვრება და შემოქმედება გაიხსენეს ჰუმანიტარულ მეცნიერებათა ფაკულტეტის დეკანმა, პროფესორმა მარინა გიორგაძემ, ასოცირებულმა პროფესორმა ნანა ტრაპაიძემ, მიხეილ თუმანიშვილის სახელობის კინომსახიობთა თეატრის მსახიობმა პაატა ბარათაშვილმა, ბსუ-ს საპატიო დოქტორმა ავთანდილ ბარათაშვილმა, საერთაშორისო საქველმოქმედო ფონდის „მამულიშვილთა გახსენება“ პრეზიდენტმა ბონდო კობაძემ, მწერლმა რამაზ სურმანიძემ, ბსუ-ს პროფესორ-მასწავლებლებმა და საზოგადოების წარმომადგენლებმა. საიუბილეო საღამოს ფარგლებში ასევე გაიმართა კრებულის - „ნიკოლოზ ბარათაშვილი - 200“ - წარდგინება.

ბათუმის შოთა რუსთაველის სახელმწიფო უნივერსიტეტში 2018 წლის იანვრიდან სტუდენტური სერვისების ახალი პორტალი - portal.bsu.edu.ge ამოქმედდება. კარიერული განვითარების, სპორტისა და კულტურის სამსახურის უფროსმა მერაბ დიასამიძემ ჰუმანიტარულ მეცნიერებათა ფაკულტეტის სტუდენტებს სიახლე გააცნო. ინოვაციური სერვისი სტუდენტებს შესაძლებლობას მისცემს, ოპერატიულად მიიღონ ინფორმაცია არსებულ სტუდენტურ პროექტებზე, დასაქმებაზე, სტაჟირებაზე, ტრენინგებზე, სემინარებზე, კონფერენციებზე, სოციალურ პროგრამებსა და კულტურულ-სპორტულ აქტივობებზე. სტუდენტური პორტალის საშუალებით შეიქმნება ბსუ-ს სტუდენტთა, კურსდამთავრებულთა და დამსაქმებელთა ბაზა, რომლის საშუალებით დამსაქმებელი მოკლე ვადაში დაუკავშირდება დასაქმების მსურველს და გაიზრდება დასაქმების შესაძლებლობები.