ახალი ამბები

ბათუმის შოთა რუსთაველის სახელმწიფო უნივერსიტეტს რუსეთის ტურიზმისა და სერვისების სახელმწიფო უნივერსიტეტის დელეგაცია სტუმრობს. დელეგაციის ვიზიტის ფარგლებში ორ უმაღლეს სასწავლებლებს შორის თანამშრომლობის მემორანდუმს მოეწერა ხელი. თანამშრომლობა ბსუ-ს ტურიზმის ფაკულტეტსა და რუსეთის ტურიზმის უმაღლეს სასწავლებელს შორის სამეცნიერო-პრაქტიკული კონფერენციების ორგანიზებას და საზაფხულო სკოლების ერთობლივად ჩატარებას ითვალისწინებს.

ბათუმის შოთა რუსთაველის სახელმწიფო უნივერსიტეტის მკლავჭიდის ნაკრებმა ‘’უნივერსიადა 2016’’-ის ფარგლებში გამართულ ჩემპიონატზე 3 საპრიზო ადგილი მოიპოვა. ორი ოქროს მედალი 75 წონით კატეგორიაში (მარცხენა , მარჯვენა კატეგორია) ბსუ-ს იურიდიული ფაკულტეტის სამართალმცოდნეობის სპეცილობის სტუდენტმა მახმუდ ჭელიძემ მოიპოვა, ხოლო 80 კგ. წონით კატეგორიაში მესამე საპრიზო ადგილი ბსუ-ს იურიდიული ფაკულტეტის სამართალმცოდნეობის სპეცილობის სტუდენტმა ზაზა ანანიძემ.

ბათუმის შოთა რუსთაველის სახელმწიფო უნივერსიტეტში კურსდამთავრებულთა საზეიმო გაცილება გაიმართა. მანტიებში გამოწყობილ წარჩინებულ სტუდენტებს უნივერსიტეტის რექტორის მოვალეობის შემსრულებელმა მერაბ ხალვაშმა, ადმინისტრაციის ხელმძღვანელმა ჯემალ ანანიძემ, პროფესორებმა, მთავრობისა და უმაღლესი საბჭოს წარმომადგენლებმა გზა დაულოცეს და წარმატებები უსურვეს. უმაღლესი საგანმანათლებლო დაწესებულება წელს 1128 სტუდენტმა დაამთავრა.

ივანო-ფრანკოვსკის მეფე დანილა გალიცკის სახელობის სამართლის უნივერსიტეტის (უკრაინა) დელეგაცია ბათუმის შოთა რუსთაველის სახელმწიფო უნივერსიტეტს სტუმრობს. დელეგაციის წევრები - რექტორი, იურიდიულ მეცნიერებათა დოქტორი, პროფესორი ანდრეი ლუცკი , პრორექტორი სამეცნიერო დარგში - ალექსანდრ ოსტროგლიადი, პრორექტორი სასწავლო-პედაგოგიური მუშაობის დარგში-ფიზიკა-მათემატიკის მეცნიერებათა კანდიდატი პეტრ ოსტაფიიჩუკი და პრორექტორი საერთაშორისო ურთიერთობების დარგში-ტატიანა რუდაკი თანმხლებ პირებთან ერთად რექტორის მოვალეობის შემსრულებელს მერაბ ხალვაშს შეხვდნენ.

ბათუმის შოთა რუსთაველის სახელმწიფო უნივერსიტეტს კორკის საგრაფოს (ირლანდია) დელეგაცია ეწვია. რექტორის მოვალეობის შემსრულებელი მერაბ ხალვაში კორკის საგრაფოს მერს ჯონ პოლ ო’ შის, კორკის საგრაფოს საბჭოს აღმასრულებელ დირექტორს ტიმ ლუსის და კორკის საგრაფოს საბჭოს კორპორატიული სამსახურების აღმასრულებელ ოფიცერს შონ ო’კალაჰენს შეხვდა. გაცნობითი ხასიათის შეხვედრაზე მერაბ ხალვაშმა დელეგაციის წევრებს უნივერსიტეტის საგანმანათლებლო პროგრამების და საერთაშორისო ურთიერთობების შესახებ მიაწოდა ინფორმაცია. მხარეებმა პრიორიტეტული მიმართულებები განსაზღვრეს და ბსუ-სა და ირლანდიის უმაღლეს სასწავლებლებს შორის სამომავლო თანამშრომლობის პერსპექტივები განიხილეს.