აჭარის ა/რ განათლების, კულტურისა და სპორტის მინისტრი გიორგი თავამაიშვილი მერაბ ხალვაშს შეხვდა, რექტორის არჩევნებში გამარჯვება მიულოცა და 2017 წელს უნივერსიტეტში დაგეგმილი მატერიალურ-ტექნიკური ბაზის გაუმჯობესებისათვის ადგილობრივი ბიუჯეტიდან თანადაფინანსების საკითხები განიხილა.
დღეს, ბათუმის შოთა რუსთაველის სახელმწიფო უნივერსიტეტს აჭარის მთავრობის თავმჯდომარე ზურაბ პატარაძე ეწვია. მთავრობის თავმჯდომარე რექტორს მერაბ ხალვაშსა და აკადემიური საბჭოს წევრებს შეხვდა. გაცნობითი ხასიათის შეხვედრაზე რექტორმა ზურაბ პატარაძეს უნივერსიტეტის ისტორია, მიმდინარე პროექტები და სამომავლო გეგმები გააცნო. მთავრობის თავმჯდომარემ მერაბ ხალვაშს რექტორის არჩევნებში გამარჯვება მიულოცა და სამომავლო თანამშრომლობის პერსპექტივებზე ესაუბრა.
ბათუმის შოთა რუსთაველის სახელმწიფო უნივერსიტეტში ჩრდილოეთ ტეხასის უნივერსიტეტის პედაგოგიკის დოქტორის რ. ჯეფერსონ ჯორჯის ტრენინგი გაიმართა. შეხვედრა პედაგოგიკის საკითხებსა და სწავლების ფილოსოფიას შეეხებოდა და მასში ბსუ-ს 9 ფაკულტეტის 30-მდე წარმომადგენელი ღებულობდა მონაწილეობას.
ბათუმის შოთა რუსთაველის სახელმწიფო უნივერსიტეტსა და კონკურენციის სააგენტოს შორის თანამშრომლობის მემორანდუმი გაფორმდა. მემორანდუმი მხარეთა შორის თანამშრომლობის გაღრმავებას, ერთობლივი საგანმანათლებლო პროგრამების განხორციელებას, სტუდენტების პროფესიული განვითარების ხელშეწყობას, სააგენტოში პრაქტიკის გავლასა და საერთო პროექტების დაგეგმვას ითვალისწინებს. კონკურენციის სააგენტო 2014 წელს შეიქმნა და მისი მიზანია საქართველოში ბაზრის ლიბერალიზაციის, თავისუფალი ვაჭრობისა, კონკურენციის ხელშეწყობა.
ბათუმის შოთა რუსთაველის სახელმწიფო უნივერსიტეტში რექტორის არჩევნები ჩატარდა. არჩევნებში სიითი შემადგენლობის უმრავლესობით, 11 ხმით, მხარი რექტორის მოვალეობის შემსრულებელს მერაბ ხალვაშს დაუჭირა.
რექტორის არჩევნებში 2 კანდიდატი მერაბ ხალვაში და ანთაზ ქიქავა მონაწილეობდა. ანთაზ ქიქავამ საკუთარი კანდიდატურა კენჭისყრის დაწყებამდე, სამოქმედო გეგმის წარდგენის შემდეგ მოხსნა.
