ქართულ-თურქულ ენოვანი ჟურნალი ,,ფიროსმანი“ რსუ-ს პროფესორ-მასწავლებლებს, სტუდენტებსა და საზოგადოების წარმომადგენლებს, რედაქტორმა ბექა-ფარნა ჩილაშვილმა (ფაჰრეთინ ჩილოღლუმ) წარუდგინა. ჟურნალი სამ თვეში ერთხელ გამოდის და თურქეთის ჩვენებურებში ეროვნული ფასეულობებისა და თვითშეგნების დაცვას ემსახურება. ჟურნალი აქტიურად ეწევა საქართველოს ისტორიის, კულტურისა და ხელოვნების პოპულარიზაციას.
სტუდენტური თვითმართველობის პროექტის ,,ნაფიცი მსაჯულების“ ფარგლებში გამართულ იმიტირებულ სასამართლო პროცესზე სამართალმცოდნეობის სპეციალობის სტუდენტებმა ნაფიცი მსაჯულების მონაწილეობით მალხაზ სიგუას ბრალეულობა განსაჯეს. პროექტი, რომელიც სტუდენტების პროფესიული უნარ-ჩვევების ამაღლებასა და ნაფიცი მსაჯულების ინსტიტუტის პოპულარიზაციას ისახავს მიზნად, მომავალშიც გაგრძელდება.
შავი ზღვის დაცვის საერთაშორისო დღე რსუ-ს საბუნებისმეტყველო მეცნიერებათა ფაკულტეტმა და ბიოლოგიის დეპარტამენტმა სტუდენტური ვორქშოფით ,,რა ვიცით შავი ზღვის შესახებ“ აღნიშნეს. სტუდენტებმა და ჭარნალის საჯარო სკოლის მოსწავლეებმა შავი ზღვის დაცვის პრობლემებზე მოხსენებები წარმოადგინეს და სამომავლო ერთობლივ პროექტებზე შეთანხმდნენ.
რსუ-ს აკადემიური საბჭოს გადაწყვეტილებით, განათლების ფაკულტეტის 111-ე აუდიტორიას ცნობილი ქართველი მეცნიერისა და საზოგადო მოღვაწის, პროფესორ ალექსანდრე გობრონიძის სახელი მიენიჭა. ღვაწლმოსილი პედაგოგისადმი მიძღვნილ საღამოზე პროფესორ-მასწავლებლებმა, სტუდენტებმა და საზოგადოების წარმომადგენლებმა კიდევ ერთხელ გაიხსენეს მისი ცხოვრება და მოღვაწეობა.
საქართველოს შრომის, ჯანმრთელობისა და სოციალური დაცვის სამინისტროს პროფესიული განვითარების საბჭომ 2009 წლის 2 ოქტომბრის №5 სხდომის გადაწყვეტილებით აკრედიტაცია მიანიჭა შოთა რუსთაველის სახელმწიფო უნივერსიტეტს რეზიდენტურის განსახორციელებლად შემდეგ სპეციალობებზე
