უნივერსიტეტმა კურსდამთავრებულები საზეიმო ვითარებაში გააცილა. მიმდინარე 2008-2009 წელს უმაღლესი სასწავლებელი სულ 700-მდე სტუდენტმა დაამთავრა, მათგან 90-ს სწავლის წარჩინებით დასრულებისა და აქტიური საუნივერსიტეტო ცხოვრებისათვის სიგელები გადასცეს. კურსდამთავრებულთა ფიცისდების შემდეგ, სტუდენტური ფოტოგამოფენა ,,მე და უნივერსიტეტი“ მოეწყო. საღამო კონსერვატორიის კამერულმა ორკესტრმა პოპულარული მუსიკის შესრულებით დაასრულა.
უმაღლეს საგანმანათლებლო სასწავლებლებში ხარისხის უზრუნველყოფის საკითხებზე ისაუბრეს საფრანგეთის გრენობლის უნივერსიტეტის პროფესორმა, ალბინ რიშარმა და ხარისხის უზრუნველყოფის ექსპერტმა პიტერ დებრესენმა (ბუდაპეშტი) ქართველ კოლეგებთან გამართულ ვორქშოფზე. შეხვედრაზე განიხილეს ისეთი საკითხები, როგორებიცაა ურთიერთობები ხარისხის უზრუნველყოფასა და აღიარებას, ბოლონიის წრეებსა და ხარისხის უზრუნველყოფას შორის, აგრეთვე ღია და დისტანციური სწავლება და ევროპული გამოცდილება. პროექტი ევროკავშირის მიერ არის დაფინანსებული და მას პერ მენდესის უნივერსიტეტი ახორციელებს.
მიმდინარე წლის 30 მაისს შოთა რუსთაველის სახელმწიფო უნივერსიტეტში ჩატარდა რესპუბლიკური კონფერენცია თემაზე: „ტიპი - 2 შაქრიანი დიაბეტის მკურნალობისა და მართვის აქტუალური საკითხები“
29 მაისს დაიწყო და ორ დღეს გაგრძელდება რსუ ჰუმანიტარულ მეცნიერებათა ფაკულტეტის მიერ ორგანიზებული საერთაშორისო კონფერენცია თემაზე „ჰუმანიტარული მეცნიერებები ინფორმაციოულ საზოგადოებაში“. კონფერენციაში საქართველოსა და უცხოეთის სხვადასხვა უმაღლესი სასწავლებლების და სამეცნიერო-კვლევითი ინსტიტუტების სამასამდე მკვლევარი ღებულობს მონაწილეობას.
