ახალი ამბები

ბათუმის შოთ რუსთაველის სახელმწიფო უნივერსიტეტის პროფესორ-მასწავლებლებმა და მკვლევრებმა მონაწილეობა მიიღეს ეროვნული სამეცნიერო ბიბლიოთეკის ორგანიზებულ ღონისძიებაში „წლის საუკეთესო მიღწევა“. ზუტს მეცნიერებათა და განათლების ფაკულტეტის დეკანმა, პროფესორმა ლელა თურმანიძემ, პროფესორმა ალეკო კალანდიამ, ასოცირებულმა პროფესორმა მაია ვანიძემ, ასოცირებულმა პროფესორმა ირაკლი ბარამიძემ, მკვლევარებმა იზოლდა მაჭუტაძემ და რუსლან ბარამიძეს პრეზენტაციები წარადგინეს 2022 წლის განმავლობაში განხორციელებული მნიშვნელოვანი მიღწევის შესახებ.

კინოდოკუმენტალისტმა, ხელოვნებათმცოდნეობის დოქტორმა ოლიკო ჟღენტმა ბათუმის შოთა რუსთველის სახელმწიფო უნივერსიტეტში საჯარო ლექცია წაიკითხა ქართულ-ესტონურ ურთიერთობებზე. მომხსენებელმა განიხილა ევროპაში ცნობილი ტარტუს უნივერსიტეტის ისტორია და დღევანდელობა. საჯარო ლექციის ფარგლებში გაიმართა საგანმანათლებლო და სამეცნიერო მნიშვნელობის დოკუმენტური ფილმი. ღონისძიება აჭარის ა. რ. განათლების, კულტურისა და სპორტის სამინისტროს მხარდაჭერით ჩატარდა.

ბათუმის სახელმწიფო მუსიკალურ ცენტრში, კულტურის სფეროს მთავარი ჯილდოს „წლის წარმატებული ხელოვანის“ დაჯილდოება გაიმართა, სადაც ბსუ-ს ბენდი „OFF SIDE”-ი წლის საუკეთესო მუსიკალურ ჯგუფად დასახელდა. ღონისძიებაზე აჭარის ა.რ. განათლების, კულტურისა და სპორტის სამინისტროს მიერ სხვადასხვა ნომინაციაში კონკურსით შერჩეული 20 წარმატებული ხელოვანი დაჯილდოვდა. ბათუმის შოთა რუსთაველის სახელმწიფო უნივერსიტეტის ბენდს „OFF SIDE” გადაეცა ჯილდო ნომინაციაში „წლის მუსიკალური ჯგუფი“.

ბათუმის შოთა რუსთაველის სახელმწიფო უნივერსიტეტში კენ სქულანდის წიგნის -“ჯონათან გალიბლის თავგადასავლი – თავისუფალი ბაზრის ოდისეა” პრეზენტაცია გაიმართა. სტუდენტებსა და პროფესორ-მასწავლებლებს წიგნი წარუდგინეს პირველი გამოცემის რედაქტორმა, ახალი ეკონომიკური სკოლის პრეზიდენტმა პაატა შეშელიძემ, წიგნის გამომცემელმა ნოდარ ჩინჩალაძემ და ბსუ-ს ასოცირებულმა პროფესორმა ლალი ანთიძემ. გამოცემა მარტივ ენაზე გვიხსნის ეკონომიკის, პოლიტიკის, ქვეყნების სიმდიდრისა და სიღარიბის ფუნდამენტურ საკითხებს.

ბათუმის შოთა რუსთაველის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეულის ფარგლებში, სამუშაო შეხვედრა გაიმართა თემაზე: „მოსამართლის როლი ადამიანის უფლებების დაცვის პროცესში“. სამუშაო შეხვედრაზე მოხსენებები წარმოადგინეს ამერიკის შეერთებული შტატების მოსამართლემ ჯეიმს რედვაინმა და საქართველოს საკონსტიტუციო სასამართლოს თავმჯდომარის მოადგილემ მანანა კობახიძემ. ადამიანის უფლებების სამართლის საუნივერსიტეტო კვირეული 2 დეკემბერს დაიწყო და მასში საქართველოს 15 უნივერსიტეტი მონაწილეობს. ღონისძიება USAID სამართლის უზენაესობის პროგრამის მხარდაჭერით იმართება.