განცხადებები

სტუდენტთა ხელშეწყობის მიზნით, საქართველოს განათლების, მეცნიერებისა და ახალგაზრდობის სამინისტრო სოციალური პროგრამის ფარგლებში განაცხადების მიღებას იწყებს. სახელმწიფო სასწავლო გრანტით დაფინანსების მიზნით, სოციალური პროგრამის ფარგლებში განაცხადების წარმოდგენა ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერინარის ინტეგრირებული სამაგისტრო, დიპლომირებული მედიკოსის/სტომატოლოგიის აკრედიტებულ საგანმანათლებლო პროგრამებზე ჩარიცხულ სტუდენტებს შეეძლებათ.

2024 წლის ერთიანი ეროვნული გამოცდების შედეგად ბათუმის შოთა რუსთველის სახელმწიფო უნივერსიტეტში ჩარიცხვის უფლებამოპოვებული აბიტურიენტების რეგისტრაცია (პირადი დოკუმენტაციის წარმოდგენა, ხელშეკრულების გაფორმება და პირადი საქმის გახსნა) განხორციელდება 2024 წლის 9 სექტემბრიდან 19 სექტემბრის ჩათვლით (შაბათ-კვირის გარდა), 10:00 საათიდან 17:00 საათამდე.

ბათუმის შოთა რუსთაველის სახელმწიფო უნივერსიტეტი 2024-2025 სასწავლო წლისათვის აცხადებს მიღებას შემდეგ სამაგისტრო საგანმანათლებლო პროგრამებზე. (დანართი 1)

ბსუ-ს სამაგისტრო საგანმანათლებლო პროგრამები:

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ემერიტუს-პროფესორის - გული შერვაშიძის - გარდაცვალების გამო. პროფესორი გული შერვაშიძე ნაყოფიერ სამეცნიერო-კვლევით და პედაგოგიურ საქმიანობას ეწეოდა, მნიშვნელოვანი წვლილი შეიტანა ფილოსოფიის, განათლების ფილოსოფიის აქტუალური საკითხების შესწავლაში. იგი 1994-2004 წლებში იყო ბათუმის შოთა რუთაველის სახელმწიფო უნვერსიტეტის პედაგოგიური ფაკულტეტის დეკანი, 2009-2022 წლებში - ბსუ-ს პროფესორი, 2001-2003 და 2013-2022 წლებში - ბსუ-ს აკადემიური საბჭოს წევრი, განათლების ფაკულტეტის სადისერტაციო საბჭოს თავმჯდომარე და პედაგოგიურ მეცნიერებათა დეპარტამენტის ხელმძღვანელი.