ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის მეცნიერთა ჯგუფი ემერიტუს-პროფესორ შუშანა ფუტკარაძის ხელმძღვანელობით სტამბულის ქართველ კათოლიკეთა სავანეში იმყოფება. მკვლევრები განაგრძობენ სავანეში არსებული ეროვნული მნიშვნელობის საარქივო მასალების შესწავლას. სტამბულის ქართული სავანე საზღვარგარეთ არსებული ქართული კულტურის ერთადერთი ცენტრია. პროექტი ბათუმის შოთა რუსთაველის სახელმწიფო უნივერსიტეტის მიზნობრივი-სამეცნიერო კვლევითი პროექტის ფარგლებში ხორციელდება.

IAI - საერთაშირისო სამეცნიერო ინსტიტუტის მიწვევითა და ბათუმის შოთა რუსთაველის სახელმწიფო უნივერსიტეტის მხარდაჭერით, ბსუ-ს ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარი მეცნიერი-თანამშრომელი ნარგიზ ახვლედიანი, პროფესორი, პროფესორი თამარ სირაძე და ბსუ-ს ზუსტ მეცნიერებათა და განათლების ფაკულტეტის პედაგოგიურ მეცნიერებათა დეპარტამენტის ასისტენტ პროფესორი დიანა ახვლედიანი მონაწილებდნენ იტალიაში, ქალაქ რომში გამართულ საერთაშორისო აკადემიური ინსტიტუტის მიერ ორგანიზებულ სამეცნიერო კონფერენციაში. მონაწილეებს გადაეცათ შესაბამისი სერტიფიკატები, სიმპოზიუმის პროგრამა და სამეცნიერო ღონისძიების ამსახველი აბსტრაქტების წიგნი. IAI- -ის ფარგლებში თანამშრომლობა კვლავაც გაგრძელდება.

20 აგვისტოდან 1 სექტემბრის ჩათვლით ნიკო ბერძენიშვილის ინსტიტუტის მკვლევრები: როინ მალაყმაძე (ინსტიტუტის დირექტორი, მთავარი მეცნიერ-თანამშრომელი), ოლეგ ჯიბაშვილი (უფროსი მეცნიერ-თანამშრომელი) და სულხან მამულაძე (მეცნიერ-თანამშრომელი) ეთნო-არქეოლოგიურ ექსპედიციაში იმყოფებოდნენ ხელვაჩაურის მუნიციპალიტეტის კირნათის თემში მდებარე სოფელ შუშანეთში. სოფელი შუშანეთი მდინარე ჭოროხის მარჯვენა სანაპიროზეა გაშენებული და უშუალოდ ძეგლი ამავე სოფლის ცენტრალურ ნაწილში, მთის ფერდობზე მდებარეობს.

ბათუმის შოთა რუსთაველის სახელმწიფო უნივერსიტეტის ნიკო ბარძენიშვილის ინსტიტუტში გაიმართა შოთა რუსთაველის საქართველოს ეროვნული სამეცნიერო ფონდის ფუნდამენტური საგრანტო პროექტის „რა იგებს არჩევნებს საქართველოში” (#FR-18-8649, 27.02.2019) მეორე საანგარიშო პერიოდის პრეზენტაცია. სამეცნიერო გუნდმა წარმოადგინა ინფორმაცია ამ პერიოდში მიღწეული შედეგებისა და განხორციელებული აქტივობების შესახებ; პრეზენტაციას დისტანციურად ესწრებოდნენ პროექტის საერთაშორისო კონსულტანტები.