ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის და აჭარის ა.რ. სოფლის მეურნეობის სამინიტროს ორგანიზებით ქობულეთის მუნიციპალიტეტის აგროსერვისცენტრის ადმინისტრაციული შენობის ტერიტორიაზე მცენარეთა ჯანმრთელობის კლინიკა მოეწყო. მკვლევრებმა ფერმერებს საველე პირობებში უფასო კონსულტაციები გაუწიეს, მათ მიერ წარმოდგენილ დაავადებულ მცენარეებს დიაგნოზი დაუსვეს და საინფორმაციო ბუკლეტები დაურიგეს. ინსტიტუტი ფერმერებს ასევე სთავაზობს დაავადებული მცენარეების ფუდამენტალურ კვლევებს ლაბორატორიულ პირობებში. მცენარეთა ჯანმრთელობის კლინიკა 13 ივლისს ხელვაჩაურში გაიმართება, 15 ივლისს - ქედაში, ხოლო 17 ივლისს - ხულოში.

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტში უნივერსიტეტის 80 წლის იუბილესადმი მიძღვნილი სამეცნიერო კონფერენცია ჩატარდა თემაზე: „გენეტიკური რესურსების მრავალფეროვნება, დაცვა, შენარჩუნება“. სესიაზე სამეცნიერო-კვლევითი დაწესებულების მკვლევრებმა მოხსენებები წაიკითხეს დარგის აქტუალურ საკითხებსა და ბოლო პერიოდში წარმოებული კვლევის შედეგებზე. იმსჯელეს ისეთ თემებზე, როგორიცაა: „ბიომრავალფეროვნების ცალკეული კომპონენტის კვლევა, დაცვა, შენარჩუნება, გონივრული გამოყენება“, „ხეხილოვანი კულტურების მრავალფეროვნება, კონსერვაცია“, „შავი ზღვის ძუძუმწოვრები და კოლხეთის თევზების კონსერვაციის ეკოსისტემური მიდგომა“ და „კოლხეთი - ბიომრავალფეროვნების ცხელი წერტილი - წარსული, აწმყო, მომავალი“. სამეცნიერო კონფერენცია საველე ტურით დასრულდა. სესიის მონაწილეებმა მცენარეთა პათოგენების შემსწავლელი სათბურები და ყოფილი სამკურნალო მცენარეთა ქობულეთის ზონალური სათბურის საკოლექციო ნაკვეთი დაათვალიერეს.

2014 წლის ფუნდამენტური კვლევებისათვის სახელმწიფო სამეცნიერო გრანტების, გამოყენებითი კვლევებისათვის სახელმწიფო სამეცნიერო გრანტებისა და დოქტურანტურის საგანმანათლებლო პროგრამების კონკურსში გამარჯვება მოიპოვა ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის შემდეგმა პროექტებმა

ფიტოპათოლოგიისა და ბიომრავალფეროვნების ინსტიტუტში ეროვნული სამეცნიერო ფონდის საგრანტო პროექტის #31/73 „მცენარეთა პათოგენური მიკროორგანიზმების კულტურათა ეროვნული კოლექციის შექმნა„ ფარგლებში სემინარი გაიმართა. საბუნებისმეტყველო მეცნიერებათა და ჯანდაცვის ფაკულტეტის და ტექნოლოგიური ფაკულტეტის სტუდენტები მცენარეთა დაავადების არსსა და მათი კვლევის მნიშვნელობის გაეცნენ. სემინარზე მოხსენებები წარმოადგინეს პროექტის მონაწილეებმა: ზოია სიხარულიძემ, ლამზირა გორგილაძემ, მაკა მურადაშვილმა, ქეთინო ნაცარიშვილმა, სოსო მეფარიშვილმა და რუსუდან დუმბაძემ. მკვლევრებმა განიხილეს პროექტის ფარგლებში ჩატარებული კვლევის შედეგები და ისაუბრეს სოკოვან, ბაქტერიულ, ვირუსულ, არაინფექციურ დაავადებებზე, დაავადების კონტროლის საშუალებებსა და დაავადებების დიაგნოსტიკის მეთოდებზე.

12 იანვრიდან 20 თებერვლის ჩათვლით ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მცენარეთა დაავადებების მონიტორინგის, დიაგნოსტიკისა და მოლეკულური ბიოლოგიის განყოფილების მეცნიერ-თანამშრომელი მაკა მურადაშვილი იორკში დიდი ბრიტანეთის სურსათისა და გარემოს კვლევის სააგენტოში (FERA) იმყოფებოდა. მკვლევარის სტაჟირება დიდი ბრიტანეთის თავდაცვის სამინისტროს დაფინანსებით განხორცილდა და მცენარეთა დაავადებების გამომწვევი ბაქტერიების დიაგნოსტიკის თანამედროვე მეთოდების ათვისებას ითვალისწინებდა.