ბათუმის შოთა რუსთველის სახელმწიფო უნივერსიტეტში საქართველოს ერაზმუს+-ის ოფისის წარმომადგენლებმა საინფორმაციო სემინარი ჩაატარეს ერთობლივი სამაგისტრო პროგრამების შესახებ. სემინარზე ოფისის წარმომადგენლებმა ნინო ურუშაძემ და თათა ლორთქიფანიძემ ევროპის უმაღლეს საგანმანათლებლო დაწესებულებებში მოქმედი სამაგისტრო პროგრამები, კონკურსში მონაწილეობის წესები და პირობები წამოადგინეს. ღონისძიებას ბსუ-ს ერაზმუს+ის კოოდინატორი ნანა ყურშუბაძე, მესამე-მეოთხე სასწავლო წლის ბაკალავრიატისა და მეხუთე-მეექვსე სასწავლო წლის ერთსაფეხურიანი პროგრამის (მედიცინა) სტუდენტები ესწრებოდნენ.
