რა არის Erasmus +  International Credit Mobility (ICM)?

საერთაშორისო კრედიტ მობილობა (International Credit Mobility – ICM) - არის  მოკლევადიანი გაცვლითი პროგრამა სტუდენტებისთვის და აკადემიური/ადმინისტრაციული პერსონალისთვის.

გაცვლითი პროგრამები ხორციელდება ბსუ -სა და ევროპის (პროგრამის ქვეყნების) უნივერსიტეტებს შორის გაფორმებული საპარტნიორო ხელშეკრულების ფარგლებში.

ვის შეუძლია კონკურსში მონაწილეობის მიღება?

• ბსუ-ს აქტიური სტატუსის მქონე ბაკალავრიატის, მაგისტრატურისა და დოქტორანტურის  საფეხურის სტუდენტებს -  3 დან 12 თვემდე;
• ბსუ-ს აკადემიურ/ადმინისტრაციულ  პერსონალს,  ბსუ-ს მოწვეულ  მასწავლებელს/ სპეციალისტს, რომელიც არის ჩართული ბსუ-ს  სასწავლო პროცესში არანაკლებ 3 წლისა - 5 დღიდან 2 თვემდე;

მობილობის მიმართულებები, რაოდენობები და პერიოდი დამოკიდებულია უნივერსიტეტებს შორის არსებულ შეთანხმებაზე;

ყველა სტუდენტს ეძლევა შესაძლებლობა ისარგებლოს 12 თვემდე სასწავლო მობილობით თითო სასწავლო საფეხურზე;

მობილობის ფარგლებში გრანტი სრულად ფარავს სწავლისა და მგზავრობის ხარჯები. სტუდენტებს ასევე გადაეცემათ ყოველთვიური სტიპენდია 750-900 ევრომდე (ევროპული  ქვეყნის სიძვირის მიხედვით).

სად მოვიძიოთ ინფორმაცია კონკურსში მონაწილეობის თაობაზე?

კონკურსის შესახებ ინფორმაცია განთავსდება ბსუ-ს მთავარ/დეპარტამენტის ვებ გვერდზე სიახლეების ველში;

სტრატეგიული განვითარებისა და საგარეო ურთიერთობათა დეპარტამენტის Facebook-გვერდზე.

კონკურსის ეტაპები სტუდენტებისათვის:

• საბუთების მიღება/ შეფასება
• სტუდენტების ტესტირება უცხოურ ენებში
• გასაუბრება შესარჩევ კომისიასთან
• ნომინირება მიმღები უნივერსიტეტის მხრიდან.

მობილობისთვის საჭირო საბუთები:

მობილობის სხვადასხვა პროგრამა განსხვავებულ საბუთებს ითხოვს, მაგრამ, როგორც წესი, ძირითადი საბუთების ჩამონათვალი მსგავსია.

მობილობის მსურველმა სტუდენტმა უნდა წარადგინოს:

• პირადობის მოწმობის/ საერთაშორისო პასპორტის ასლი;
• ცნობა სტუდენტის სტატუსის შესახებ (ქართულ ენაზე);
• Europass CV (ინგლისურ ენაზე);
• მოტივაციის წერილი არაუმეტეს 1 გვერდისა (ინგლისურ ენაზე);
• ნიშნების ფურცელი (ინგლისურ ენაზე);
• ინდივიდუალური სარეკომენდაციო წერილი შესაბამისი ფაკულტეტიდან
• (ქართულ ენაზე);
• სასწავლო ხელშეკრულება, შეთანხმებული ფაკულტეტის ხარისხის     უზრუნველყოფის სამსახურის წარმომადგენელთან;
• ეკონომიკური, სოციალური ან ჯანმრთელობის პრობლემის დამადასტურებელი ცნობა (არსებობის შემთხვევაში ცნობა ინგლისურ ენაზე,  ნოტარიულად დამოწმებული ასლი).

კონკურსის ეტაპები აკადემიური/ადმინისტრაციული პერსონალისათვის

• საბუთების წარმოდგენა დადგენილი წესისა და ვადის შესაბამისად;
• საბუთების გადაგზავნა მიმღებ უნივერსიტეტებში;
• კანდიდატთა შერჩევა და სტიპენდიაზე ნომინირება მიმღები უნივერსიტეტის მიერ.

მობილობისათვის საჭირო საბუთები:

• პირადობის მოწმობის/საერთაშორისო პასპორტის ასლი;
• ცნობა სამსახურიდან დაკავებული თანამდებობის თაობაზე (ქართულ ენაზე);
• უცხო ენის ცოდნის დამადასტურებელი სერტიფიკატი მიმღები უნივერსიტეტის მოთხოვნის შესაბამისად - B2/C1;
• Europass CV (ინგლისურ ენაზე);
• მობილობასთან დაკავშირებული აკადემიური საქმიანობის გეგმა (ინგლისურ ენაზე);
• რეკომენდაციის წერილი(ინგლისურ ენაზე);
• მოტივაციის წერილი (ინგლისურ ენაზე);
• დაინტერესების/წინასწარი მიღების წერილი ( Letter of Interest/ Pre-Acceptance Letter/Mobility Agreement) პარტნიორი უნივერსიტეტის შესაბამისი დეპარტამენტიდან (ინგლისურ ენაზე).

დამატებითი კითხვების შემთხვევაში მოგვმართეთ შემდეგ ელ-მისამართზე: erasmus@bsu.edu.ge