სამეცნიერო პროექტი - ზღაპრებიდან ეკონომიკურ ცნობიერებამდე...
სამეცნიერო პროექტის ხელმძღვანელი: ზუსტ მეცნიერებათა და განათლების ფაკულტეტის პროფესორი ლელა თავდგირიძე
სამეცნიერო პროექტის კოორდინატორი: ეკონომიკისა და ბიზნესის ფაკულტეტის ასისტენტ-პროფესორი, ბიზნესის ადმინისტრირების დოქტორი გიორგი ქათამაძე
მკვლევარი: უფროსი მასწავლებელი, ფილოლოგიის დოქტორი მაია ბოლქვაძე
პროექტის ხანგრძლივობა: 3 წელი (2023-2025)
პროექტის მიზანი, ამოცანა, აქტუალობა: ადრეული ასაკის ბავშვებში საბაზისო ეკონომიკური განათლების, ეკონომიკური ცნობიერების ჩამოყალიბების ხელშეწყობა, საბაზისო ეკონომიკური განათლების რესურსების შექმნა, „ადრეული და სკოლამდელი განათლების სახელმწიფო სტანდარტით“ საბაზისო ეკონომიკური განათლების ერთ-ერთ მიმართულებად განსაზღვრის რეკომენდაციის შემუშავება;
პროექტის ამოცანებია: ქართულ ხალხურ ზღაპრებში არსებული სოციალურ-ეკონომიკურ-ფინანსური ასპექტების შესწავლა და ანალიზი; ზღაპრების სწავლებისა და საგანმანათლებლო რესურსების მომზადების პროცესში არსებული ეკონომიკური აქცენტების გამოვლენა; „ადრეული და სკოლამდელი განათლების სახელმწიფო სტანდარტი“-ში შესატანი დამატებების სარეკომენდაციო დოკუმენტის მომზადება, განხილვა და შესაბამის ინსტიტუციისთვის წარდგენა.
კვლევის სიახლე მდგომარეობს იმაში, რომ ის წარმოადგენს ქართული ხალხური ზღაპრების (ინტერდისციპლინარული) ანალიზს, საბაზისო ეკონომიკური ინფორმაციის და მათი დანიშნულების გარკვევას-არის თუ არა ეს ასპექტები ზღაპრის საკვანძო მომენტები და როგორ უნდა მოხდეს მათი სათანადოდ ახსნა ბავშვებისათვის, ასევე ზღაპრების კონტენტ-ანალიზი და მათი მარტივი ენით ინტერპრეტაცია. კვლევის სიახლე მდგომარეობს მეთოდოლოგიურ ნაწილშიც- ქართული ხალხური ზღაპრების შესწავლა მოხდება რამდენიმე დარგის: პედაგოგიკის, ეკონომიკის და ფილოლოგიის მიმართულების მეცნიერთა მიერ შერეული კვლევითი მეთოდოლოგიით, რაც დამოუკიდებელი ანალიზის საბოლოო სინთეზირებას გულისხმობს.
| უკან |
