ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ისტორიისა და არქეოლოგიის განყოფილების მთავარმა მეცნიერ თანამშრომელმა ოლეგ ჯიბაშვილმა და ბსუ ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის ასოცირებულმა პროფესორებმა: ხათუნა დიასამიძემ და ირაკლი ბარამიძემ ბათუმის №2 საჯარო სკოლის მე-4 კლასის მოსწავლეებთან დავით აღმაშენებლის ხსენების დღესთან დაკავშირებით სასწავლო-შემეცნებითი ღონისძიება ჩაატარეს.

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების უფროსმა, იზოლდა მაჭუტაძემ, ბათუმის მოსწავლე ახალგაზრდობის სასახლესთან არსებულ ნორჩ ბუნების მოყვარულთა კლუბში „ცისნამი“ შეხვედრა გამართა. მეცნიერმა ახალგაზრდებს რამსარის კონვენციის 2025 წლის სლოგანის - „ჭაობების დაცვა მომავალი თაობების საკეთილდღეოდ“ - ფარგლებში წაუკითხა ლექცია, რომელიც ჭარბტენიანი ეკოსისტემების მნიშვნელობასა და მათ კონსერვაციას ეხებოდა.

ბსუ-ს ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების მეცნიერ-თანამშრომელმა, ნათელა ტეტემაძემ, 2 თებერვალს რამსარის კონვენციით დაცული ჭარბტენიანი ჰაბიტატების დაცვის საერთაშორისო დღესთან დაკავშირებით, ქობულეთის დაცულ ტერიტორიებზე, ჩაქვის პირველი საჯარო სკოლის მოსწავლეებს უმასპინძლა.

საგანმანათლებლო პროექტის „უნივერსიტეტის დახმარება სკოლებს STEM მეცნიერებების პოპულარიზაციაში“ ფარგლებში, ქიმიის დეპარტამენტმა უმასპინძლა ბათუმის სკოლა მასტერკლასისა და XVI საჯარო სკოლის მოსწავლეებსა და პედაგოგებს. ბსუ-ს გამარჯვებული პროექტის ხელმძღვანელმა, ქიმიის სპეციალობის II კურსის სტუდენტმა, კახა კოტრიკაძემ სტუმრებს ესაუბრა მეცნიერული კვლევითი პროექტების მნიშვნელობაზე და გააცნო ეთერზეთების მიმართულებით კვლევების თანამედროვე მიდგომები, აგრეთვე პროექტის ფარგლებში მიღებული შედეგები, რითაც მოსწავლეებს კიდევ ერთხელ დაანახა STEM დარგების მნიშვნელობა მომავალი კონკურენტუნარიანი სპეციალისტის ჩამოყალიბებაში.

იურიდიული და სოციალურ მეცნიერებათა ფაკულტეტის ასისტენტი ეთერ ვარშანიძე ქალაქ ბათუმის ალექსანდრე დიუმას სახელობის ქართულ-ფრანგული სკოლის VII-X კლასის მოსწავლეებს შეხვდა და საჯარო ლექცია წაიკითხა თემაზე -“ეფექტური გზები მიზნის დასახვისა და ამოცანების შესასრულებლად “. ეთერ ვარშანიძემ მოსწავლეებს მიაწოდა ინფორმაცია თუ რას უნდა მიექცეს ყურადღება მიზნის დასახვისა და განხორციელებისთვის და როგორ უნდა დავძლიოთ სირთულეები. შეხვედრა კითხვა - პასუხის რეჟიმში წარიმართა.