ბათუმის შოთა რუსთაველის სახელმწიფო უნივერსიტეტის მულტიმედია ცენტრმა სალიბაურის №2 საჯარო სკოლის XI კლასის მოსწავლეებს უმასპინძლა. ახალგაზრდები ფოტოგრაფიას სკოლაში პროფესიული საგანმანათლებლო პროგრამის ფარგლებში სწავლობენ. უნივერსიტეტში ვიზიტის მიზანი იყო თანამედროვე მულტიმედიური გარემოს გაცნობა, პრაქტიკული გამოცდილების მიღება და ფოტოგრაფის პროფესიის სპეციფიკის უკეთ გაცნობა.
ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ-პროფესორმა თამარ ბერიძემ, მესამე მისიის ფარგლებში, ქედის მუნიციპალიტეტის სოფელ მერისის ფრიდონ თურმანიძის სახელობის საჯარო სკოლაში ჩაატარა საჯარო ლექცია თემაზე - „ტურიზმი, როგორც პროფესიული განვითარების მიმართულება, საჭირო უნარები და პერსპექტივები ახალგაზრდებისთვის“.
ბათუმის შოთა რუსთაველის სახელმწიფო უნივერსიტეტმა N17 საჯარო სკოლის მეორე კლასის მოსწავლეებს უმასპინძლა. ბსუ-ს რექტორის მოადგილემ, თამარ სირაძემ, მოსწავლეებს საუნივერსიტეტო ცხოვრება გააცნო. შემეცნებითი ტურის ფარგლებში მოსწავლეებმა ბიბლიოთეკა, საუნივერსიტეტო სივრცეები დაათვალიერეს და უნივერსიტეტის სასწავლო გარემოს გაეცნენ.
ბსუ-ს ეკონომიკისა და ბიზნესის ფაკულტეტის საბუღალტრო აღრიცხვის, აუდიტისა და საგადასახადო საქმის დეპარტამენტის წარმომადგენლებმა - პროფესორმა ვაჟა ვერულიძემ, ასოცირებულმა პროფესორმა ეკატერინე შაინიძემ და მოწვეულმა მასწავლებელმა პაატა ბოლქვაძემ შეხვედრა გამართეს ზოგადსაგანმანათლებლო დაწესებულება „გორდას“ მოსწავლეებთან.
ბათუმის შოთა რუსთაველის სახელმწიფო უნივერსიტეტმა ბათუმის N14 საჯარო სკოლის VI კლასის მოსწავლეებს უმასპინძლა.
მოსწავლეებმა უნივერსიტეტის ბიბლიოთეკა, ქიმიისა და ზოოლოგიის ლაბორატორიები, სასამართლო-საიმიტაციო დარბაზი დაათვალიერეს და როლური თამაშის ფორმატში სახალისო ცდებში მიიღეს მონაწილეობა. ღონისძიების დასასრულს მათ სიმბოლური საჩუქრები გადაეცათ.
