21 მარტს, ბათუმის სახელმწიფო უნივერსიტეტში მაჭახელას ეროვნული პარკის ადმინისტრაციისა და ბათუმის შოთა რუსთაველის სახელმწიფო უნივერსიტეტის გეოგრაფიის დეპარტამენტის თანამშრომლობით აღინიშნა ტყის საერთაშორიოს დღე. მაჭახელას ეროვნული პარკის ადმინისტრაციის წარმომადგენლების მიერ გაიმართა შემეცნებითი ღონისძიება მოსწავლეებისათვის, სადაც მონაწილეობას ღებულობდნენ ქ. ბათუმის მე-16 საჯარო სკოლის მე-5 კლასის მოსწავლეები და პედაგოგები, ასევე გეოგრაფიის ფაკულტეტის სტუდენტებისთვის ჩატარდა ლექცია საქართველოს დაცული ტერიტორიების მნიშვნელობისა და მაჭახელას ეროვნული პარკის ბიომრავალფეროვნების შესახებ. ლექციის შემდეგ კი გააკეთეს პრაქტიკული სავარჯიშოები საქართველოს ეროვნული პარკების თემატიკით.

საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ასოცირებულმა პროფესორმა გუგული დუმბაძემ, მესამე მისიის ფარგლებში აჭარის საჯარო სკოლის 40 მოსწავლესთან ჩაატარა სამუშაო შეხვედრა თემაზე: პლასტმასით დაბინძურების მიზეზები, გამოწვევები და შემცირების გზები. შეხვედრაში მონაწილეობდა ქალაქ ბათუმის მე-20-ე, ქედის პირველი მაისის, ხელვაჩაურის მუნიციპალიტეტის სოფელ ჭარნალისა და ერგეს, ქობულეთის მუნიციპალიტეტის ჩაქვის #1, წმ. ანდრია პირველწოდებულის სასულიერო გიმნაზიისა და ქართულ-ამერიკული საერთაშორისო სკოლა „პროგრესის“ მოსწავლეები.

სასკოლო სემინარი ჩოხატაურის №1 საჯარო სკოლაში
მიმდინარე წლის 18 თებერვალს, ფიტოპათოლოგიისა და ბიომრავალფეროვნების ინსტიტუტის უფროსმა მეცნიერ თანამშრომელმა, ირაკლი მიქელაძემ მესამე მისიის ფარგლებში სასკოლო სემინარი ჩაატარა - ნიკო მარის სახელობის დაბა ჩოხატაურის №1 საჯარო სკოლაში. ირაკლი მიქელაძემ წარადგინა პრეზენტაცია თემაზე: „უცხო წარმოშობის ინვაზიური და სარეველა მცენარეები ფიტოცენოზებსა და აგროლანდშაფტებში, არსებული გამოწვევები და პრევენციის გზები“. მომხსენებელმა შეხვედრის მონაწილეებს გააცნო მცენარეთა ინვაზიის თავისებურებანი და ის ეკოლოგიური, ეკონომიკური და ადამიანის ჯანმრთელობის გამომწვევი პრობლემები, რაც ინვაზიური სახეობის ძირითადი განმსაზღვრელი კრიტერიუმებია. გარდა ამისა მკვლევარმა

ბათუმის სკოლა „ნიკეს“ მე-7 კლასის მოსწავლეები საბუნებისმეტყველო მეცნიერებათა და ჯანდაცვის ფაკულტეტს ესტუმრნენ. მათ ბსუ-ს ასიტენტ პროფესორმა ხათუნა ჭიჭილეიშვილმა, ასისტენტ პროფესორმა ცირა ქამადაძემ და სამედიცინო განათლებისა და მედიკოსთა პროფესიული განვითარების ცენტრის ხელმძღვანელმა ირმა დიასამიძემ უმასპინძლეს. მოსწავლეებს ჰქონდათ შესაძლებლობა გაცნობოდნენ ფაკულტეტის ლაბორატორიებს, სხვადასხვა გეოგრაფიული ხელსაწყოების გამოყენების მეთოდებს და მედიცინის მიმართულებით არსებულ ცენტრებს.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტს ბათუმის ამერიკული საერთაშორისო სკოლა „პროგრესის“ მე-4 კლასის მოსწავლეები ეწვივნენ. ბსუ-ს ასოცირებულმა პროფესორმა ლალი ჟღენტმა ახალგაზრდებს ზოოლოგიისა და აკვაკულტურის ლაბორატორიაში უმასპინძლა, სადაც მოისმინეს ლექცია თემაზე: „სტუმრად ცხოველების სამყაროში“. მოსწავლეებმა დაათვალიერეს ლაბორატორია და მონაწილეობა მიიღეს სახალისო ცდებში. შეხვედრისას სკოლის მოსწავლეებს სამახსოვრო საჩუქრები გადაეცათ.