აგრარული და მემბრანული ტექნოლოგიების ინსტიტუტის უფროსმა მეცნიერ თანამშრომელმა, ნუნუ კუტალაძემ, მეცნიერ თანამშრომელმა თამარ გოგოლიშვილმა, სტაჟიორ სტუდენტებთან - ლიკა ხარაძესთან და ქრისტინა რევაზიშვილთან ერთად აგროქიმისა და ნიადაგმცოდნეობის ლაბორატორიაში უმასპინძლეს სატელევიზიო სკოლის KIDs CLUB TV სკოლის მოსწავლეებს. ღონისძიების მიზანი იყო ახალგაზრდებისთვის აგროსფეროს მნიშვნელობის წარმოჩენა, ფერმერთა ცხოვრების გაცნობა და პროფესიულ ორიენტაციაში მხარდაჭერა. ვიზიტის ფარგლებში, სკოლის მოსწავლეებისთვის წაიკითხეს ლექცია თემაზე: „ნიადაგი და მისი როლი აგროსფეროს განვითარებაში’’.

6 ივნისს, ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის პროფესორმა ვაჟა ვერულიძემ, მოწვეულმა მასწავლებელმა პაატა ბოლქვაძემ და ასოცირებულმა პროფესორმა ეკატერინე შაინიძემ ბათუმის II საჯარო სკოლაში, XI კლასის მოსწავლეებისათვის ჩაატარეს საჯარო ლექცია თემაზე: „სახელმწიფო და გადასახადები“.

ბათუმის შოთა რუსთაველის სახელმწიფო უნივერსიტეტის 2025 წლის სტუდენტური პროექტების კონკურსში გამარჯვებული პროექტის „მოძრავი ქიმიური ლაბორატორია’’ ფარგლებში, ქიმიის საბაკალავრო პროგრამის პირველი-მეორე და სამაგისტრო პროგრამის პირველი კურსის სტუდენტები ქიმიის დეპარტამენტის პროფესორ-მასწავლებლებთან ერთად ეწვივნენ სსიპ დაბა ხულოს საჯარო სკოლას.

მესამე მისიის ფარგლებში, ბათუმის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის იურიდიული კლინიკის ორგანიზებით, კლინიკის კოორდინატორის ნარგიზ ცეცხლაძის ხელმძღვანელობით, ბათუმის N16 საჯარო სკოლაში გაიმართა შეხვედრა. შეხვედრას ესწრებოდნენ სკოლის ადმინისტრაცია, პედაგოგები, IX, X და XI კლასების მოსწავლეები, ასევე უნივერსიტეტის სამართლის მიმართულების სტუდენტები -იურიდიული კლინიკის სტაჟიორები.

საზოგადოებრივ და პოლიტიკურ მეცნიერებათა დეპარტამენტის ასისტენტ-პროფესორმა გელა ირემაძემ ახალშენის საჯარო სკოლაში ჩაატარა შეხვედრა თემაზე „გაერთიანებული ერების ორგანიზაცია, მისი როლი მსოფლიო უსაფრთხოებაში". ღონისძიება ინტერაქციულ ფორმატში წარიმართა, მოსწავლეები აქტიურად ჩაერთნენ დისკუსიაში, დასვეს შეკითხვები და მიიღეს ამომწურავი პასუხები.