ბათუმის შოთა რუსთაველის სახელმწიფო უნივერსიტეტმა ხელვაჩაურის მუნიციპალიტეტის სხვადასხვა საჯარო სკოლის 30-მდე მოსწავლეს უმასპინძლა. მოსწავლეებს ბსუ-ს რექტორის მოადგილე თამარ სირაძე შეხვდა, ახალგაზრდებს დეტალურად გააცნო უნივერსიტეტის ფაკულტეტები, სასწავლო პროგრამები და სტუდენტებისთვის ხელმისაწვდომი სერვისები.
ბათუმის შოთა რუსთაველის სახელმწიფო უნივერსიტეტში მესამე მისიის ფარგლებში გაიმართა შეხვედრა საბუნებისმეტყველო მეცნიერებათა და ჯანდაცვის ფაკულტეტის თანამშრომლების ჩართულობით. შეხვედრის ორგანიზებასა და განხორციელებაში მონაწილეობდნენ ფაკულტეტის თანამშრომლები: ლალი ჟღენტი, ირმა დიასამიძე, შორენა გაბაიძე, მაია რესულიძე და ელისო სურმანიძე.
ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ენებისა და საინფორმაციო ტექნოლოგიების ცენტრმა, უნივერსიტეტის მესამე მისიის ფარგლებში, ბათუმის №1 საჯარო სკოლის მე-9 კლასის მოსწავლეებთან შეხვედრა გამართა. შეხვედრის ფარგლებში ჩატარდა დისკუსია თემაზე - „ხელოვნური ინტელექტი განათლებაში: შესაძლებლობები, ეთიკა და გამოწვევები“. შეხვედრის მიზანი იყო მოსწავლეებისათვის თანამედროვე ტექნოლოგიური განვითარების ტენდენციების გაცნობა და ხელოვნური ინტელექტის გამოყენების შესაძლებლობებისა და რისკების შესახებ ცნობიერების ამაღლება.
ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის გეოგრაფიის დეპარტამენტის ასისტენტ პროფესორებმა ხათუნა ჭიჭილეიშვილმა და ცირა ქამადაძემ 13 თებერვალს ჩაატარეს შემეცნებით - პრაქტიკული ხასიათის აქტივობა, რომელშიც მონაწილეობდნენ საერთაშორისო ამერიკული სკოლა „პროგრესის“ მე-5 კლასის მოსწავლეები.
2 თებერვალი ჭარბტენიანი ტერიტორიების საერთაშორისო დღეა. ამ დღესთან დაკავშირებით საქართველოს ეროვნულ ბოტანიკურ ბაღში ჩატარდა საჯარო ლექცია თემაზე „კოლხეთის სფაგნუმიანი ტორფნარები ცოცხალი ბუნებრივ-კულტურული მემკვიდრეობა დროსა და სივრცეში“.
