2024 წლის 28 მაისს, ბათუმის შოთა რუსთაველის სახელობის სახელმწიფო უნივერსიტეტში ვირტუალური გაცვლითი პროგრამების ოფისში გამართა საინფორმაციო შეხვედრა ზუსტი მეცნიერებების და განათლების ფაკულტეტის, კომპიუტერული მეცნიერებების დეპარტამენტის პერსონალისა და სტუდენტებისათვის ერაზმუს + პროექტის „MOVEx“ შესახებ. პროექტი გულისხმობს ვირტუალური გაცვლითი პროგრამების მოდელისა და საერთო საინფორმაციო სივრცის შემუშავებას.

ბათუმის შოთა რუსთაველის სახელმწიფო უნივერსიტეტში ერაზმუს + პროექტის „MOVEx - ვირტუალური გაცვლითი პროგრამების მოდელისა და საერთო საინფორმაციო სივრცის შემუშავება“ ფარგლებში გაიხსნა საკონსულტაციო ოფისი, რომელიც მდებარეობს ბსუ-ს II კორპუსში, ოთახი #222. (კომპიუტერულ მეცნიერებათა დეპარტამენტის სხდომის
ოქმი #23 – 21 /2, 11.04.2024 წელი). ოფისის მიზანია სტუდენტებისთვის და აკადემიური პერსონალისთვის პროექტის შესახებ ინფორმაციის მიწოდება და ვირტუალური გაცვლითი პროგრამებით დაინტერესებულ პირებზე მომსახურების უზრუნველყოფა.
სტუდენტებს, რომლებსაც სურთ ვირტუალური გაცვლითი პროგრამების შესახებ მეტი გაიგონ, შეუძლიათ მიმართონ ოფისს შემდეგ საათებში: ორშაბათი - პარასკევი: 10:00 - 14:00

2024 წლის 22-25 აპრილს, ბსუ-ს წარმომადგენლები დავით დევაძე და ნინო დევაძე ერასმუს + MOVEx პროექტის ფარგლებში სამუშაო ვიზიტით იმყოფებოდნენ ათენის ჰაროკოპიოს უნივერსიტეტში (HUA).

2023 წლის 6-8 დეკემბერს ბსუ-ს წარმომადგენლები დავით დევაძე და ციცინო სარაჯიშვილი ერასმუს + MOVEx პროექტის ფარგლებში სამუშაო ვიზიტით იმყოფებოდნენ ტალინის ტექნოლოგიების უნივერსიტეტში (TalTech), ესტონეთში.

2023 წლის 7-11 ნოემბერს ბსუ-ს ზუსტ მეცნიერებათა და განათლების ფაკულტეტის პროფესორმა, MOVEx პროექტის მენეჯერმა დავით დევაძემ და ბსუ-ს ტურიზმის ფაკულტეტის ასისტენტ პროფესორმა ნინო დევაძემ „ვირტუალური გაცვლითი პროგრამების მოდელისა და საერთო საინფორმაციო სივრცის განვითარება“ MOVEx პროგრამის I ტრენინგ სესიაში მიიღეს მონაწილეობა.