ახალი ამბები

ბათუმის შოთა რუსთაველის სახელმწიფო უნივერსიტეტში ახალი სასწავლო წელი ონლაინ რეჟიმში დაიწყო. სასწავლო პროცესი სწავლების სამივე საფეხურზე zoom-ის ონლაინ პლატფორმის საშუალებით განხორციელდება. 2020-2021 სასწავლო წელს, ბსუ-ში 1 291 პირველკურსელი ჩაირიცხა, რომელთაგან 104 გრანტის მფლობელია, ხოლო 400-მდე სახელმწიფოს მიერ დაფინანსებულ, 10 პრიორიტეტულ პროგრამაზე ისწავლის. პირველკურსელებს სასწავლო წლის დაწყება უნივერსიტეტის რექტორმა მერაბ ხალვაშმა მიულოცა და წარმატებები უსურვა.

აშშ-ის საერთაშორისო განვითარების სააგენტოს (USAID) საბაზისო განათლების ტრენერთა ტრენინგი დაიწყო. ოთხწლიანი პროგრამის ფარგლებში, პარტნიორი ორგანიზაციების - რვა უნივერსიტეტისა და ორი არასამთავრობო ორგანიზაციის 115 ტრენერისთვის ონლაინ ტრენინგი მიმდინარეობს. 8-დღიანი ტრენინგის დასრულების შემდეგ, ტრენერები პროფესიული განვითარების მრავალფეროვან აქტივობებს ჩაატარებენ საქართველოს 2075 საჯარო დაწყებით სკოლაში დირექტორებისა და 23 064 მასწავლებლისათვის.

სოციალურად დაუცველი სტუდენტების სწავლის საფასურის დასაფინანსებლად ჯანდაცვის სამინისტროს ვებგვერდზე ელექტრონული პორტალი https://student.moh.gov.ge/ დღეიდან ამოქმედდა. საქართველოს მთავრობის გადაწყვეტილებით , პროგრამით გათვალისწინებული სოციალური დახმარება გაიცემა: 2020-2021 სასწავლო წლის შემოდგომის სემესტრის სწავლის საფასურის ანაზღაურების მიზნით ან/და 2019-2020 სასწავლო წლის გაზაფხულის სემესტრში 2020 წლის 1-ლი იანვრიდან წარმოშობილი სწავლის საფასურის დავალიანების დაფარვის მიზნით.

ძვირფასო სტუდენტებო და პროფესორ-მასწავლებლებო!
კორონავირუსთან დაკავშირებით მოქმედი უწყებათაშორისო საბჭოს გადაწყვეტილებით, კორონავისრუსის გავრცელების პრევენციის მიზნით, ბათუმის შოთა რუსთაველის სახელმწიფო უნივერსიტეტში სასწავლო პროცესი, სწავლების სამივე საფეხურხე 1-ლი ოქტომბრიდან დისტანციურ რეჟიმში განახლდება.
პირველკურსელებთან საინფორმაციო შეხვედრები ონლაინ რეჟიმში გაიმართება ფაკულტეტების მიხედვით შემდეგი განრიგით:

გაცნობებთ, რომ შექმნილი ეპიდვითარებიდან გამომდინარე, ბათუმის შოთა რუსთაველის სახელმწიფო უნივერსიტეტი 1-ელ ოქტომბრამდე მუშაობას განაგრძობს დისტანციურ ფორმატში. გთხოვთ, დღეიდან ისარგებლოთ ჩვენი ონლაინ მომსახურების სერვისებით - info@bsu.edu.ge და სტუდენტურ პორტალზე https://portal.bsu.edu.ge/ განთავსებული ონლაინ დახმარების სერვისით. პირველკურსელთა რეგისტრაცია კოვიდუსაფრთხოების წესების დაცვით გაგრძელდება ჩვეულ რეჟიმში.