ახალი ამბები

აჭარის ა.რ. მთავრობის თავმჯდომარე თორნიკე რიჟვაძე, აჭარის ა.რ. განათლების, კულტურისა და სპორტის მინისტრთან მაია ხაჯიშვილთან ერთად ბათუმის შოთა რუსთაველის სახელმწიფო უნივერსიტეტის ადმინისტრაციის წარმომადგენლებს შეხვდა. სამუშაო შეხვედრაზე დისტანციური სწავლების მიმდინარეობა და ხარისხი, პანდემიის პერიოდში არსებული გამოწვევები განიხილეს. ასევე, ყურადღება გაამახვილეს საბუნებისმეტყველო მეცნიერებათა და ჯანდაცვის ფაკულტეტის სტუდენტებზე, რომლებიც კოვიდინფიცირებულ პაციენტებთან მუშაობდნენ.

კულტურული მრავალფეროვნების დღისადმი მიძღვნილი სტუდენტთა პირველი ონლაინ სამეცნიერო კონფერენცია „ჰარმონიული თანაცხოვრება მრავალფეროვან გარემოში“ გაიმართა ბათუმის შოთა რუსთაველის სახელმწიფო უნივერსიტეტში. კონფერენცია ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა, აჭარის ა.რ. განათლების, კულტურისა და სპორტის სამინისტროს განათლების დეპარტამენტის ხელმძღვანელმა ნაცო ბერიძემ, ზუსტმეცნიერებათა და განათლების ფაკულტეტის დეკანმა ლელა თურმანიძემ, რექტორის მოადგილემ თამარ სირაძემ, პედაგოგიურ მეცნიერებათა დეპარტამენტის ხელმძღვანელმა გული შერვაშიძემ და ბსუ-ს ფსიქოლოგიის კლინიკის კოორდინატორმა ქეთევან ბერიძემ გახსნეს.

ბსუ-ს ჰუმანიტარულ მეცნიერებათა ფაკულტეტის ასოცირებულმა პროფესორმა გიორგი მასალკინმა საჯარო ლექცია წაიკითხა თემაზე: „პოსტკორონისეული სამყარო და ჩვენ”. მომხსენებელმა ღონისძიებაზე ისეთ აქტუალურ საკითხებზე, როგორიცაა: თუ რა გავლენას მოახდენს ეს მოვლენა საერთაშორისო გლობალურ პროცესებზე ეკონომიკაში, პოლიტიკაში, განათლების, კულტურისა და ხელოვნების სფეროებში; რა გავლენას მოახდენს ის კომუნიკაციაზე (რომელიც განსაზღვრავს ცივილიზაციის რაობას); დემოკრატიის რაობაზე, - ხომ არ დაემატება დილემას - „თავისუფლება თუ უსაფრთხოება“, ახალი დილემა - „თავისუფლება თუ ჯამრთელობა“. რომელი პოლიტიკური იდეოლოგია და რეჟიმები აღმოჩნდებიან უფრო სიცოცხლისუნარიანები არსებულ მდგომარეობაში; რა შეიცვლება სოციალურ ურთიერთობებში - ატომიზაცია, რობინზონიზაცია, ახალი სოციალური ქცევა, ჩვევები და ა.შ.

ბსუ-ს იურიდიული და სოციალურ მეცნიერებათა ფაკულტეტის „სამართალმცოდნეობის“ საბაკალავრო და სამაგისტრო საგანმანათლებლო პროგრამები მორიგი აკრედიტაციისთვის ემზადება. უმაღლესი საგანმანათლებლო დაწესებულების აკრედიტაციის სტანდარტით და სამართლის დარგობრივი მახასიათებლებით გადამწყვეტი მნიშვნელობა ენიჭება აღნიშნული პროგრამის სტუდენტთა აქტიური პრაქტიკით უზრუნველყოფას, რისთვისაც, პრიორიტეტულად აჭარის ა/რ-ის ტერიტორიაზე შეირჩა რელევანტური სახელმწიფო, კერძო და არასამთავრობო ორგანიზაციები, რომლებსაც გააჩნიათ შესაძლებლობა სტუდენტები უზრუნველყონ სასწავლო პრაქტიკით.

ბათუმის შოთა რუსთაველის სახელმწიფო უნივერსიტეტის ბენდმა სასტუმრო „დრიმლენდ ოაზისში", კარანტინში მყოფ მოქალაქეებს სიურპრიზი მოუწყო და გიორგობის დღესასწაული ორიგინალურად მიულოცა. ბსუ-ს ბენდის წევრებმა ერთსაათიანი კონცერტით კარანტინში მყოფი ადამიანები გაამხნევეს და ორკვირიანი ერთფეროვანი ყოველდღიურობა მცირედით გაუხალისეს.