ახალი ამბები

იტალიის რესპუბლიკის ელჩი საქართველოში, მასიმილიანო დ`ანტუონო ბათუმის შოთა რუსთაველის სახელმწიფო უნივერსიტეტის რექტორს ტიტე აროშიძეს შეხვდა. გაცნობითი ხასიათის შეხვედრაზე მხარეებმა ორ ქვეყანას შორის არსებულ კულტურულ-საგანმანათლებლო ურთიერთობებსა და სამომავლო თანამშრომლობის პერსპექტივებზე ისაუბრეს. დაიგეგმა ერთობლივი სასწავლო და სამეცნიერო პროექტების განხორციელება. ელჩი ასევე შეხვდა რომანული ფილოლოგიის სტუდენტებსა და პროფესორ-მასწავლებლებს, სადაც ისაუბრა გაცვლითი პროგრამების ფარგლებში იტალიაში სწავლის მნიშვნელობასა და შესაძლებლობებზე.

დედამიწის დღეს, სლოგანით - „ჩვენი ძალა, ჩვენი პლანეტა“, ბათუმის შოთა რუსთაველის სახელმწიფო უნივერსიტეტმა, Interreg NEXT შავი ზღვის აუზის პროექტის (BSB00559 CARE SEA) ფარგლებში და პარტნიორი ორგანიზაციების მხარდაჭერით, მდინარე ჭოროხის დელტაზე მასშტაბური დასუფთავების აქცია გამართა.

იაპონიის საგანგებო და სრულუფლებიანი ელჩი საქართველოში, იშიძუკა ჰიდეკი ბათუმის სახელმწიფო უნივერსიტეტის რექტორს, ტიტე აროშიძეს შეხვდა. ბსუ-ს დელეგაციის იაპონიაში ვიზიტის შედეგად თანამშრომლობა შედგა კობეს, ცუკუბას და ტოკიოს მეტროპოლიტენ უნივერსიტეტებთან. აღნიშნული პარტნიორობის ფარგლებში, ბსუ-ს სტუდენტები იაპონური ენის საზაფხულო პროგრამის ფარგლებში ტოკიოს მეტროპოლიტენ უნივერსიტეტში გაემგზავრებიან.

აჭარის სოფლის მეურნეობის მინისტრი დენის სალუქვაძე, ბათუმის შოთა რუსთაველის სახელმწიფო უნივერსიტეტის რექტორთან ტიტე აროშიძესთან ერთად, აგრარული მიმართულებით სტუდენტებს და პროფესორ მასწავლებლებს შეხვდა და დარგის განვითარების პერსპექტივები, მიმდინარე პროექტები და ახალგაზრდების ჩართულობის მნიშვნელობა განიხილა.

ბათუმის შოთა რუსთაველის სახელმწიფო უნივერსიტეტს ლუბლინის (პოლონეთი) მარი კიური-სკლოდოვსკას უნივერსიტეტის რექტორი რადოსლავ დობროვოლსკი და რექტორის მოადგილე დოროტა კოლოდინსკა ეწვივნენ. ბსუ-ს რექტორ ტიტე აროშიძესთან გამართულ შეხვედრაზე განიხილეს უნივერსიტეტებს შორის არსებული თანამშრომლობის საკითხები და სამომავლო პერსპექტივები.