ახალი ამბები

აკადემიკოს არნოლდ ჩიქობავას დაბადების 120 წლისადმი მიძღვნილი XXXVIII რესპუბლიკური დიალექტოლოგიური სამეცნიერო სესია გაიხსნა ბათუმის შოთა რუსთაველის სახელობის სახელმწიფო უნივერსიტეტში. ორი დღის განმავლობაში ქვეყნის სხვადასხვა სამეცნიერო ინსტიტუტისა და უმაღლესი საგანმანათლებლო დაწესებულების 50-ზე მეტი მკვლევარი და პროფესორ-მასწავლებელი სამეცნიერო მოხსენებას წარმოადგენს ქართული ენის დიალექტთა ლექსიკის სხვადასხვა აქტუალურ საკითხზე. სესია ოთხ სექციად იმუშავებს, განიხილება დიალექტოლოგიის ფუნდამენტური საკითხები, რაც ხელს უწყობს ქართველური ენებისა და დიალექტების კიდევ უფრო ღრმა შესწავლა-ანალიზს.

ბათუმის შოთა რუსთაველის სახელმწიფო უნივერსიტეტში სტუდენტთა საინიციატივო ჯგუფის ორგანიზებით 2007 წლის 8 ნოემბერის მოვლენებთან დაკავშირებით შეხვედრა გაიმართა. ღონისძიება მიზნად ისახავდა სპეცრაზმის მიერ სტუდენტებისა და პროფესორ-მასწავლებლების დარბევის ფაქტის გამოძიების დასრულებას, დამნაშავეთა დასჯას და უნივერსიტეტის ავტონომიის დაცვას. შეხვედრაზე შედგა ბსუ-ს დარბევის ამსახველი ვიდეორგოლის ჩვენება, რომლის შემდეგ თვითმხილველებმა გაიხსენეს და დაგმეს თერთმეტი წლის წინ მომხდარი ძალადობის ფაქტები.

ბათუმის შოთა რუსთაველის სახელმწიფო უნივერსიტეტს კორეის რესპუბლიკის საელჩოს დელეგაცია ეწვია. უნივერსიტეტის რექტორის მოადგილეებთან თამარ სირაძესთან და ნათია წიკლაშვილთან გამართულ შეხვედრაზე კორეის რესპუბლიკის საელჩოს საქმეთა დროებითმა რწმუნებულმა კიმ სე ვუგიმ შეხვედრაზე სამომავლო თანამშრომლობის მიმართულებებსა და გეგმებზე ისაუბრა. მხარეთა შეთანხმებით, ბსუ-ში კორეული ენის შემსწავლელი კურსის გახსნა, კორეის უმაღლეს საგანმანათლებლო დაწესებულებებთან მემორანდუმის გაფორმება, სასწავლო-სამეცნიერო პროექტების შემუშავება და გაცვლითი პროგრამების განხორციელება დაიგეგმა.

თვალის ლაზერული ცენტრის „აიმედის“ ორგანიზებით ბათუმის შოთა რუსთაველის სახელმწიფო უნივერსიტეტში თვალის პირველადი დიაგნოსტიკის აქცია დაიწყო. სამი დღის განმავლობაში სტუდენტებს, პროფესორ-მასწავლებლებსა და ადმინისტრაციულ პერსონალს შესაძლებლობა ეძლევათ, უფასოდ ჩაიტარონ თვალის გამოკვლევა ულტრა თანამედროვე აპარატურის საშუალებით.

აჭარის ა.რ. მთავრობის თავმჯდომარემ თორნიკე რიჟვაძემ და ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა ბსუ-ს სტუდენტური საცხოვრებლის მშენებლობა დაათვალიერეს. ლეონიძის ქუჩაზე მდებარე საცხოვრებელი 200 მობინადრეზეა გათვლილი და მისი მშენებლობისთვის უნივერსიტეტის ბიუჯეტიდან 2 მილიონ 359 ათასი ლარია გამოყოფილი. სტუდენტთა ახალი საცხოვრებელი სრულად შეესაბამება თანამედროვე სტანდარტების მოთხოვნებს. შენობის ოთხ სართულზე განთავსდება როგორც საქმიანი ნაწილი – დაცვის ოთახი, ადმინისტრაცია, სამრეცხაო-საშრობი, საკონფერენციო დარბაზი, ასევე საცხოვრებლის ბლოკები: