ახალი ამბები

ბათუმის შოთა რუსთაველის სახელმწიფო უნივერსიტეტს საქართველოში კორეის რესპუბლიკის საელჩოს დელეგაცია ეწვია. საელჩოს დროებითმა რწმუნებულმა კიმ ინ ჰანიმ და საელჩოს კულტურის ატაშემ ბიონ სეუნგ ვუმ რექტორთან მერაბ ხალვაშთან გამართულ შეხვედრაზე ორი ქვეყნის ურთიერთობებსა და სამომავლო თანამშრომლობის მიმართულებებზე ისაუბრეს. დაიგეგმა ერთობლივი საგანმანათლებლო და კულტურული პროექტების განხორციელება. დელეგაციის წევრებმა ბსუ-ს საჩუქრად კორეულ ენაზე თარგმნილი „ვეფხისტყაოსანი“ და სახელმძღვანელოები გადასცეს.

2019 წლის ზაფხულში, ბათუმის შოთა რუსთველის სახელმწიფო უნივერსიტეტში იაპონია - ხმელთაშუა ზღვის XI საერთაშორისო კონფერენცია „გამოყენებითი ელექტრომგნიტური ინჟინერია - მაგნიტობის, ზეგმტარობის, მულტიფუნქციონალისა და ნანომასალებისათვის - JAPMED 11“ ჩატარდება. უმაღლეს საგანმანათლებლო დაწესებულებაში გამართულ კონფერენციის საორგანიზაციო შეხვედრაზე ბსუ-ს რექტორი მერაბ ხალვაში, აკადემიკოსი, პროფესორი ათანისიოს გეორგიუს მამალისი და პროფესორი პაატა კერვალიშვილი საერთაშორისო სესიის ჩატარების პირობებზე შეთანხმდნენ.

ართვინის ჭოროხის უნივერსიტეტის დელეგაცია ბათუმის შოთა რუსთაველის სახელმწიფო უნივერსიტეტს ეწვია. რექტორი ფაჰრეთინ თილქი, ასისტენტ პროფესორი მეჰმეთ ოზალპი, ასისტენტ პროფესორი ბულენთ თურგუთი, ასისტენტ პროფესორი მუსტაფა ქემალ გუმუში, ექსპერტი ჰაქან გულთექინი ბსუ-ს რექტორს მერაბ ხალვაშსა და სტრატეგიული განვითარებისა და საგარეო ურთიერთობათა დეპარტამენტის თანამშრომლებს შეხვდნენ. გაცნობითი ხასიათის შეხვედრაზე მხარეებმა სამომავლო გეგმებზე ისაუბრე და ერთობლივი სასწავლო-საგანმანათლებლო პროექტების განხორციელებაზე შეთანხმდნენ.

ბათუმის შოთა რუსთაველის სახელმწიფო უნივერსიტეტმა პირველად ჩაატარა ღია კარის დღე წალკის მუნიციპალიტეტში. ბსუ-ს პროფესორ-მასწავლებლები და სტუდენტები წალკის #2, ავრალოს, ბეშთაშენის, გუმბათის, ახალშენის, იმერას, საყდრიონის, არწივანის, განთიადის, ხანდოს და სამების საჯარო სკოლების მეთორმეტე კლასის მოსწავლეებს შეხვდნენ.

ბათუმის შოთ რუსთაველის სახელმწიფო უნივერსიტეტის რექტორმა მერაბ ხალვაშმა და ივანე ჯავახიშვილის სახელობის თბილისის სახელმწიფო უნივერსიტეტის დავის ალტერნატიული გადაწყვეტის ეროვნული ცენტრის ხელმძღვანელმა ირაკლი ბურდულმა თანამშრომლობის მემორანდუმს მოაწერეს ხელი. ხელშეკრულება ითვალისწინებს დავის გადაწყვეტის ალტერნატიული საშუალების - მედიაციის განვითარების ხელშეწყობასა და ინსტიტუციონალიზაციას როგორც სახელმწიფოებრივ, ისე აკადემიურ, საუნივერსიტეტო სივრცეში. მემორანდუმის ფარგლებში, დაიგეგმა ბსუ-ში მედიაციის კურსის დანერგვა, მედიაციაში წარმომადგენლობის ეროვნულ კონკურსში სტუდენტური გუნდების მონაწილეობის მხარდაჭერა და მედიაციის თეორიულ და პრაქტიკულ საკითხებში ინსტიტუციური გამოცდილების გაზიარება.