„ერთად მოვუაროთ გარემოს“- ამ სლოგანით ბათუმის შოთა რუსთაველის სახელმწიფო უნივერსიტეტის სტუდენტები, პროფესორები და ადმინისტრაციის თანამშრომლები დედამიწის კვირეულის აქციაში ჩაერთნენ და ზღვისპირა ზოლი დაასუფთავეს.
29-30 აპრილს, ბათუმის შოთა რუსთაველის სახელმწიფო უნივერსიტეტში სტუდენტური საპარლამენტო ფორმატის დებატების ტურნირი გაიმართა. შეჯიბრი „ახალგაზრდა ბათუმელთა კავშირის’’ ორგანიზებით და აჭარის სპორტისა და ახალგაზრდობის საქმეთა დეპარტამენტის კლუბების ხელშეწყობის პროგრამის ფარგლებში ჩატარდა და მასში სხვადასხვა უმაღლესი სსაწავლებლის 40-მდე სტუდენტი მონაწილეობდა.
დღეს, ბათუმის შოთა რუსთაველის სახელმწიფო უნივერსიტეტში ამერიკა-საქართველოს დიპლომატიური ურთიერთობების 25 წლის იუბილესთან დაკავშირებული კვირეული საზეიმოდ დაიხურა. ღონისძიება საინფორმაციო გამოფენის გახსნით დაიწყო, სადაც წარმოდგენილი იყო აშშ-ს საელჩოს საკონსულო განყოფილება, აშშ-ს საერთაშორისო განვითარების სააგენტო (USAID) და ათასწლეულების გამოწვევის კორპორაცია (MCC) პარტნიორ ორგანიზაციებთან ერთად. დამთვალიერებლებს საშუალება ჰქონდათ გასცნობოდნენ კულტურულ, გაცვლით და საგრანტო პროგრამებსა და პროექტებს, რომლებიც საქართველოში აშშ-ს მთავრობის დახმარებით ხორციელდება.
დღეს, ბათუმის შოთა რუსთაველის სახელმწიფო უნივერსიტეტში ამერიკა-საქართველოს დიპლომატიური ურთიერთობის 25 წლის იუბილესადმი მიძღვნილი კონფერენცია გაიმართა. ღონისძიებაზე ბსუ-ს სხვადასხვა კურსის სტუდენტებმა მოხსენებები წაიკითხეს. კონფერენციას ესწრებოდა თბილისში ამერიკის საელჩოს პოლიტიკური სექციის წარმომადგენელი ლორა ჰოჩლა, რომელმაც საქართველო-ამერიკის 25-წლიან თანამშრომლობაზე ისაუბრა და სტუდენტების შეკითხვებს უპასუხა. ღონისძიების დასასრულს, ოლიკო ჟღენტის დოკუმენტური ფილმის - „ჯონ სტეინბეკი და რუსული ჟურნალი“ ჩვენება გაიმართა.
ბათუმის შოთა რუსთაველის სახელმწიფო უნივერსიტეტი აჭარის ავტონომიურ რესპუბლიკაში სამუშაო ვიზიტით მყოფ პოლონეთის, ქვემო სილეზიის სავოედოს სამთავრობო დელეგაციას მასპინძლობს. დელეგაციას ვიცე-მარშალი ეჟი მიხალაკი ხელმძღვანელობს და დაკომპლექტებულია ქვემო სილეზიის სამედიცინო დაწესებულების წარმომადგენლებით. პოლონელ მედიკოსებს ბსუ-ს რექტორი მერაბ ხალვაში და ჯანდაცვის მიმართულების აკადემიური პერსონალი შეხვდა.
