ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მეცნიერ-თანამშრომლებმა 2016 წლის სამეცნიერო კვლევითი მუშაობის ანგარიში წარადგინეს. პრეზენტაციას უნივერსიტეტის რექტორი, მერაბ ხალვაში, აჭარის სოფლის მეურნეობის მინისტრი ლაშა კომახიძე, რექტორის მოადგილე ნათია წიკლაშვილი და ადმინისტრაციის ხელმძღვანელი ჯემალ ანანიძე ესწრებოდნენ.
ბსუ-ს ფუტსალის ნაკრებმა ფუტსალის პირველ საერთაშორისო ტურნირში "აჭარა 2017" პირველობა მოიპოვა. შეჯიბრში ბათუმის სახელმწიფო უნივერსიტეტის გუნდი, ბათუმის „დინამო“-ს გუნდი, აზერბაიჯანის „გენჩერბირლინგ“ -ი და მოსკოვის „ვერშინ“-ი მონაწილეობდნენ.
ბსუ-ს 16 სტუდენტი ერასმუს+ გაცვლითი პროგრამის ფარგლებში ევროპის წამყვან უნივერსიტეტებში გაემგზავრება სასწავლებლად. სხვადასხვა ფაკულტეტის სტუდენტები ერთ სემესტრს იტალიის, ავსტრიის, ბულგარეთის, ლიტვის და პოლონეთის უნივერსიტეტებში გაივლიან.
გაცვლით პროგრამაში გამარჯვებულ სტუდენტებს ბსუ-ს რექტორი მერაბ ხალვაში შეხვდა,კონკურში გამარჯვება მიულოცა და პროგრამაში მონაწილეობის სერტიფიკატები გადასცა.
ბათუმის შოთა რუსთაველის სახელმწიფო უნივერსიტეტმა სოციალური კამპანიის „ეკვილიბრიუმის’’ ფარგლებში, შუახევის რაიონის სოფელ ჭვანის ბიბლიოთეკას 400-მდე წიგნი გადასცა. სოციალური ქსელით დაწყებულ აქციაში „გაიღე წიგნი’,’ უნივერსიტეტის რექტორი მერაბ ხალვაში, აჭარის ა/რ განათლების , კულტურისა და სპორტის მინისტრი ინგა შამილიშვილი, ბსუ-ს პროფესორ-მასწავლებლები, სტუდენტები და ადმინისტრაციის თანამშრომლები ჩაერთნენ და სოფლის ბიბლიოთეკას მხატვრული და სამეცნიერო ლიტერატურა უსახსოვრეს.
საქართველოს განათლებისა და მეცნიერების მინისტრი ალექსანდრე ჯეჯელავა და აჭარის ა.რ. განათლების, კულტურისა და სპორტის მინისტრი ინგა შამილიშვილი ბათუმის შოთა რუსთაველის სახელმწიფო უნივერსიტეტს ეწვივნენ. ალექსანდრე ჯეჯელავამ უნივერსიტეტის რექტორთან მერაბ ხალვაშთან, რექტორის მოადგილესთან ნათია წიკლაშვილთან, ადმინისტრაციის ხელმძღვანელთან ჯემალ ანანიძესთან და პროფესორ-მასწავლებლებთან გამართულ შეხვედრაზე უმაღლესი განათლებისა და მეცნიერების აქტუალურ საკითხებზე ისაუბრა. უწყების პირველმა პირმა ყურადღება გაამახვილა ერთობლივი საერთაშორისო საგანმანათლებლო პროგრამების შემუშავების მნიშვნელობაზე, უმაღლესი განათლების დაფინანსების წესის შეცვლაზე, ქართველი მეცნიერების მიღწევებსა და პროფესიულ პროგრამებზე. შეხვედრა დიალოგის რეჟიმში წარიმართა და მინისტრმა უნივერსიტეტის აკადემიური პერსონალის შეკითხვებს უპასუხა.
