19-22 დეკემბერს, ბათუმის შოთა რუსთაველის სახელმწიფო უნივერსიტეტში პროექტის „მედია და კულტურის მეცნიერების მიმართულების განვითარების“ ფარგლებში, ქართველი, გერმანელი პროფესორების მონაწილეობით, მედიის, ადამიანის უფლებებისა და კულტურის საკითხებზე სემინარები და დისკუსიები მიმდინარეობს.
ბათუმის შოთა რუსთაველის სახელმწიფო უნივერსიტეტში ქართველოლოგიის ცენტრის XVI სამეცნიერო კონფერენცია ჩატარდა თემაზე: „ქართველ მუჰაჯირთა შთამომავლები თანამედროვე თურქეთში’’. კონფერენციის ფარგლებში მიზნობრივი სამეცნიერო-კვლევითი პროექტის მოკლე ანგარიში და ექსპედიციის მასალების წარდგინება გაიმართა.
ტარას შევჩენკოს სახელობის ლუგანსკის ნაციონალური უნივერსიტეტის ვაჭრობის, მომსახურებისა და ტურიზმის საგანმანათლებლო და სამეცნიერო-კვლევითი ინსტიტუტის დირექტორი ვიქტორ დრელი ორდღიანი ვიზიტით ბათუმის შოთა რუსთაველის სახელმწიფო უნივერსიტეტში იმყოფებოდა. უნივერსიტეტის რექტორთან მერაბ ხალვაშთან, რექტორის მოადგილესთან ინგა შამილიშვილთან, ტურიზმის ფაკულტეტის დეკანთან როსტომ ბერიძესთან და პროფესორ-მასწავლებლებთან გამართული შეხვედრების შემდეგ ხელი მოეწერა თანამშრომლობის მემორანდუმს. დოკუმენტის თანახმად, მხარეები განახორციელებენ სტუდენტთა და პროფესორ-მასწავლებელთა გაცვლით პროგრამებს, სამეცნიერო და საგანმანათლებლო პროექტებს. ასევე შეიქმნება ერთობლივი სადოქტორო პროგრამა, ჩატარდება კონფერენციები, სემინარები, ტრენინგები და საზაფხულო სკოლები. მემორანდუმის ფარგლებში დაიგეგმა ტურიზმის ფაკულტეტისა და პარტნიორი სამეცნიერო-კვლევითი ინსტიტუტის ერთობლივი საზაფხულო სკოლის ჩატარება. გარდა ამისა, უკრაინელი სტუდენტები სასწავლო პრაქტიკას ბათუმში გაივლიან და ამოქმედდება ერთსემესტრიანი გაცვლითი პროგრამები.
ბათუმის შოთა რუსთაველის სახელმწიფო უნივერსიტეტს თბილისში საფრანგეთის საელჩოსა და ფრანგული ინსტიტუტის ატაშე საუნივერსიტეტო და სამეცნიერო საკითხებში ტერი ბურტე ეწვია. ახლად დანიშნული ატაშე უნივერსიტეტის რექტორს, ჰუმანიტარულ მეცნიერებათა ფაკულტეტის დეკანს, ფრანგული დეპარტამენტის პროფესორ-მასწავლებლებს და ტურიზმის ფაკულტეტის დეკანს შეხვდა. გაცნობითი ხასიათის შეხვედრაზე რექტორმა ვრცლად ისაუბრა საქართველო-საფრანგეთის ურთიერთობებზე, საუნივერსიტეტო ცხოვრებაზე და მზაობა გამოთქვა მომავალი თანამშრომლობისათვის.
ბათუმის შოთა რუსთველის სახელმწიფო უნივერსიტეტის ტურიზმის ფაკულტეტის სტუდენტები ერთობლივი პროექტის „მდგრადი ტურიზმი: სოფლად მეწარმეობა და კულტურული მემკვიდრეობა. ყირგიზეთს, საქართველოსა და ნორვეგიას შორის განათლების სფეროში თანამშრომლობა“ მეორე ეტაპის ფარგლებში სასწავლებლად ნორვეგიასა და ყირგიზეთში გაემგზავრებიან.
