საერთაშორისო საქველმოქმედო ორგანიზაციამ Campus Lions Club Tbilisi შეხვედრა გამართა ბათუმის შოთა რუსთაველის სახელმწიფო უნივერსიტეტის სტუდენტებთან. სტუმრებმა დაინტერესებულ პირებს მსოფლიოში უდიდესი ორგანიზაციის Campus Lions Club Tbilisi-ს საქმინაობა, მიზნები და სამომავლო გეგმები გააცნეს.
„დებატების ახალგაზრდული კლუბების ქსელი საქართველოში“- პროექტის პრეზენტაცია გაიმართა ბათუმის შოთა რუსთაველის სახელმწიფო უნივერსიტეტში. შეხვედრის ფარგლებში, საქართველოს დებატებისა და განათლების ინსტიტუტის წარმომადგენლებმა სტუდენტებსა და დაინტერესებულ პირებს ინფორმაცია მიაწოდეს პროექტის მიზნებისა და პირობების შესახებ. შეხვედრები საქართველოს პრეზიდენტის სარეზერვო ფონდის მხარდაჭერით ხორციელდება და მისი მიზანია რეგიონულ უნივერსიტეტებში კლუბების შექმნა, სტუდენტების ცოდნის ამაღლება საქართველოს კონსტიტუციის შესახებ, მათი ჩართვა დებატების პროცესში და სამოქალაქო საზოგადოების განვითარების ხელშეწყობა.
დღეს, ბათუმის შოთა რუსთაველის სახელმწიფო უნივერსიტეტში აჭარის განათლების, კულტურისა და სპორტის სამინისტროს „უმაღლესი განათლებისა“ და „სწავლა საზღვარგარეთ“ პროგრამების პრეზენტაცია გაიმართა . შეხვედრაზე სტუდენტებსა და ლექტორ-მასწავლებელს მიეცათ შესაძლებლობა სამინისტროს პროგრამების კოორდინატორებისგან მიეღოთ დაწვრილებითი ინფორმაცია სამეცნიერო ღონისძიებებში მონაწილეობის, კონფერენციის, საზაფხულო სკოლისა და საჯარო ლექციების მოწყობის, უცხოენოვანი სამეცნიერო/სახელმძღვანელო ლიტერატურის თარგმნისა და უცხოეთში სწავლის დაფინანსების შესახებ.
ბათუმის შოთა რუსთაველის სახელმწიფო უნივერსიტეტში საინფორმაციო შეხვედრა გაიმართა შვედეთში სამაგისტრო პროგრამებისა და სასწავლო სტიპენდიების შესახებ. საქართველოს ახალგაზრდა ელჩმა შვედეთში ნათია ლორთქიფანიძემ სტუდენტებს სწავლის, ცხოვრებისა და დაფინანსების შესაძლებლობებზე ესაუბრა. აგრეთვე, ახალგაზრდა ელჩმა სტუდენტებს საკუთარი გამოცდილება გაუზიარა და სოციალური, კულტურული და საგანმანათლებლო გარემო გააცნო. შეხვედრის დასასრულს სტუდენტებს საინფორმაციო ბროშურები გადაეცათ.
ბათუმის შოთა რუსთაველის სახელმწიფო უნივერსიტეტს „ერასმუს +“ აკადემიური პერსონალის გაცვლითი პროგრამის ფარგლებში ვროცლავის უმაღლესი საბანკო (პოლონეთი) სკოლის საერთაშორისო თანამშრომლობის ცენტრის ხელმღძვანელი, პროფესორი იაროსლავ ტომაშევსკი ეწვია. ვიზიტის ფარგლებში, პოლონელმა პროფესორმა სამუშაო შეხვედრა გამართა ეკონომიკისა და ბიზნესის ფაკულტეტზე.
