ახალი ამბები

შოთა რუსთაველის დარბაზში ბათუმის შოთა რუსთაველის სახელმწიფო უნივერსიტეტის 80 წლის იუბილესადმი მიძღვნილი სტუდენტთა სამეცნიერო კონფერენცია „შავი ზღვის მდინარეთა აუზების ეკოლოგია“ გაიმართა. სამეცნიერო სესიაზე საქართველოს სხვადასხვა უმაღლესი საგანმანათლებლო დაწესებულების 20-მდე სტუდენტმა მოხსენებები წარმოადგინეს შავი ზღვის ეკოლოგიის აქტუალურ საკითხებზე. სამეცნიერო კონფერენცია საერთაშორისო ასოციაციის „კივიტას გეორგიკას“ მხარდაჭერით საქართველოს პარტნიორი ორგანიზაცია ევროკავშირის ერთობლივი საოპერაციო პროგრამის „შავი ზღვის აუზი - 2007-2013“ პროექტის ”მიწათსარგებლობის ინტეგრირებული მოდელირება და მართვა შავი ზღვის ესტუარებისათვის“ ფარგლებში ჩატარდა.

ბათუმის შოთა რუსთაველის სახელმწიფო უნივერსიტეტმა სილეზიის (პოლონეთი) დელეგაციას უმასპინძლა. სილეზიის სავოევოდოს მარშალი ვოიჩეხ საუგა, სილეზიის სავოევოდოს რეგიონული პარლამენტის პრეზიდენტი გრეგორ ვოლნიკი, სილეზიის სავოევოდოს მმართველთა საბჭოს წევრი კაზიმირ კაროლჩაკი, სილეზიის სავოევოდოს რეგიონული პარლამენტის მრჩეველი მარტინა სტარკი-იაჟდჟიკი, მარშალის კაბინეტის დირექტორის მოადგილე დარია კოსმალა, მარშალის კაბინეტის საერთაშორისო თანამშრომლობის განყოფილების წარმომადგენელი კარინა ივანი, ქ. პეკარის მერი სლავა უმინსკა-დურაი უნივერსიტეტის რექტორის მოვალეობის შემსრულებელს, ასოცირებულ პროფესორ მერაბ ხალვაშს, ა.რ. განათლების, კულტურისა და სპორტის მინისტრის მოადგილეს სულიკო თებიძეს, ფაკულტეტების დეკანებსა და პროფესორ-მასწავლებლებს შეხვდნენ.

ტემპუსის საგრანტო პროექტის „ინდივიდუალური საჭიროების მქონე ადამიანების საზოგადოებაში ინტეგრირება“ (Access to Society for People with Individual Requirements (ASPIRE), N530345-TEMPUS-1-2012-1-GE-TEMPUS-JPHES) ფარგლებში, სასტუმრო „ჰილტონ ბათუმის“ საკონფერენციო დარბაზში კონფერენცია „ინკლუზიის გამოწვევები“ გაიხსნა. მომხსენებლები უმაღლეს საგანმანათლებლო სივრცეში ინკლუზიური განათლების მიმართულებით არსებულ გამოწვევებზე იმსჯელებენ. პროექტში ბათუმის შოთა რუსთაველის სახელმწიფო უნივერსიტეტი 2012 წლიდან არის ჩართული და მიზნად ისახავს განსაკუთრებული საჭიროების მქონე ადამიანების საზოგადოებაში ინტეგრირების არსებული გამოწვევების განხილვასა და სპეციალური საგანმანათლებლო საჭიროების მქონე ახალგაზრდების უმაღლესი განათლებით დაინტერესებას. პროგრამა ასევე ითვალისწინებს სპეციალური საგანმანათლებლო საჭიროების მქონე ადამიანების განათლებას, მათ სოციალურ ინტეგრაციასა და დისკრიმინაციის შემსუბუქებას.

ბათუმის შოთა რუსთაველის სახელმწიფო უნივერსიტეტს ტალინის უნივერსიტეტის რექტორი, პროფესორი ტიიტ ლანდი, ციფრული და საინფორმაციო ტექნოლოგიების დეპარტამენტის დირექტორი, პროფესორი პეტერ ნორმაკი და საერთაშორისო პროექტების ხელმძღვანელი მაარიკა მილი ეწვივნენ. დელეგაციის წევრები უნივერსიტეტის რექტორის მოვალეობის შემსრულებელს, ასოცირებულ პროფესორ მერაბ ხალვაშს, რექტორის მოადგილეს ნათია წიკლაშვილსა და სხვადასხვა ფაკულტეტის დეკანებს შეხვდნენ. მხარეებმა შეხვედრაზე ოთხწლიანი თანამშრომლობის შედეგები დადებითად შეაფასეს და კიდევ ერთ მემორანდუმს მოაწერეს ხელი. დაიგეგმა სტუდენტების, პროფესორ-მასწავლებლების, მკვლევრების გაცვლითი პროგრამების განხორციელება, ერთობლივი სადოქტორო პროგრამების შემუშავება და კონფერენციების, სემინარებისა და საზაფხულო სკოლების ჩატარება.

2015-2016 სასწავლო წელი ბათუმის შოთა რუსთაველის სახელმწიფო უნივერსიტეტის ეზოში საზეიმოდ გაიხსნა. ახალი სასწავლო წლის დაწყება სტუდენტებსა და პროფესორ-მასწავლებლებს მიულოცეს უნივერსიტეტის რექტორის მოვალეობის შემსრულებელმა, ასოცირებულმა პროფესორმა მერაბ ხალვაშმა, აჭარის ა.რ. უმაღლესი საბჭოს თავმჯდომარემ ავთანდილ ბერიძემ, ქ. ბათუმის მერმა გიორგი ერმაკოვმა, აჭარის ა.რ. განათლების, კულტურისა და სპორტის მინისტრის მოადგილემ სულიკო თებიძემ, ბსუ-ს პროფესორმა, აჭარის ა.რ უმაღლესი საბჭოს განათლების, მეცნიერების, კულტურისა და სპორტის კომისიის თავმჯდომარემ გიორგი მასალკინმა, უკრაინის მეცნიერებათა აკადემიის კიევის სამართლის სკოლის რექტორმა იური ბოშიცკიმ, ბათუმის სახელმწიფო საზღვაო აკადემიის რექტორმა ირაკლი შარაბიძემ, ბათუმის ხელოვნების სასწავლო უნივერსიტეტის რექტორმა ერმილე მესხიამ, სტუდენტური თვითმმართველობის თავმჯდომარემ ბექა მაკარაძემ, ასპროცენტიანი გრანტის მფლობელმა პირველკურსელებმა ტარიელ ქაჩაკიძემ და ანა შაინიძემ.