ახალი ამბები

ბათუმის შოთა რუსთაველის სახელმწიფო უნივერსიტეტის ბიბლიოთეკაში ეროვნული სამეცნიერო ბიბლიოთეკის ფილიალი გაიხსნა. ფილიალის მიზანია ადგილობრივ მკითხველს სამეცნიერო საქმიანობის უკეთ წარმართვაში შეუწყოს ხელი და მისცეს ინფორმაციის მოპოვებისა და გამოყენების სწრაფი საშუალება. დაინტერესებულ პირებს მონაცემთა ბაზების მოძიებაში ბსუ-ს ბიბლიოთეკის თანამშრომლები დაეხმარებიან, რომლებმაც უკვე გაიარეს ტრენინგები ეროვნულ სამეცნიერო ბიბლიოთეკაში. ღონისძიებაზე ეროვნული სამეცნიერო ბიბლიოთეკის დირექტორის მოადგილემ ნინო პავლიაშვილმა პროფესორ-მასწავლებლებს ვებგვერდი და მრავალფეროვანი სერვისების გამოყენების პირობები გააცნო.

ბათუმის შოთა რუსთაველის სახელმწიფო უნივერისტეტის რექტორის მოვალეობის შემსრულებელმა მერაბ ხალვაშმა აჭარის ა/რ სოფლის მეურნეობის მინისტრს ზაურ ფუტკარაძეს უმასპინძლა. შეხვედრა მიზნად ისახავდა აგრარული მიმართულების დარგის განვითარებისთვის ერთობლივი პროექტების განხორციელებას. განიხილეს სამინისტროს პროგრამების მომზადებაში უნივერსიტეტის აკადემიური პერსონალის ჩართულობა. ასევე, ტექნოლოგიური ფაკულტეტის სტუდენტების მონაწილეობა სამინისტროს დაქვემდებარებულ დაწესებულებებში.

ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელი მერაბ ხალვაში შავი ზღვის საერთაშორისო უნივერსიტეტის რექტორს ილიას ჩილოღლუს შეხვდა. უმაღლეს საგანმანათლებლო დაწესებულებს შორის გაფორმებული მემორანდუმის ფარგლებში რამდენიმე პროექტი განხორციელდა. შეხვედრაზე თანამშრომლობის გაღრმავების მიზნით დაიგეგმა ახალი სამეცნიერო-კვლევითი პროგრამების ამოქმედება და კულტურული ღონისძიებების ჩატარება.

ბათუმის სახელმწიფო უნივერსიტეტის ჰუმანიტარულ მეცნიერებათა ფაკულტეტზე, „არაფორმალური განათლების ცენტრის“ ფარგლებში, მიმდინარე სასწავლო წელს ჩამოყალიბდა ლიტერატურის კლუბი, რომელსაც ფილოლოგიის დოქტორი, ასოცირებული პროფესორი, ნანა ტრაპაიძე ხელმძღვანელობს. შეხვედრები იმართება ყოველ კვირას, 14:00 საათზე. კლუბის მიზანია შექმნას არაფორმალური განათლების პრაქტიკა, მოიზიდოს ჰუმანიტარული ცოდნით დაინტერესებული სტუდენტები მათი ინტელექტის, კრიტიკული და სამოქალაქო აზროვნების განვითარებისათვის. კლუბის მუშაობაში აქტიურად არიან ჩართულები არა მხოლოდ ჰუმანიტარულო ფაკულტეტს სტუდენტები.

ქ. ბათუმის მერი გიორგი ერმაკოვი ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებსა და პროფესორ-მასწავლებლებს შეხვდა და განხორცილებული პროგრამები და სამომავლო გეგმები გააცნო. შეხვედრის ფარგლებში ქ. ბათუმის მერიასა და ბსუ-ს ეკონომიკისა და ბიზნესის ფაკულტეტს შორის თანამშრომლობის მემორანდუმი გაფორმდა. დოკუმენტის თანახმად, ეკონომიკისა და ბიზნესის ფაკულტეტის სტუდენტები მერიის შესაბამის სამსახურებში გაივლიან სტაჟირებას, ხოლო უმაღლესი საგანმანთლებლო დაწესებულების პროფესორები, მერიის საფინანსო-ეკონომიკური სამსახურის თანამშრომლების კვალიფიკაციის ამაღლების მიზნით ტრენინგების ჩატარებას უზრუნველყოფენ. ფაკულტეტი ასევე მონაწილეობას მიიღებს მერიის მერ ჩატარებულ სოციალურ კვლევებში. შეხვედრა კითხვა-პასუხის რეჟიმში წარიმართა და ქ. ბათუმის მერმა სტუდენტების აქტუალურ შეკითხვებს უპასუხა.